రానా కాబోయే భార్య కొత్త టాటూ.. ఎవరి పేరు వేయించుకుందంటే!

ప్రేమలో ఉన్న మాధుర్యాన్ని ఆస్వాదిస్తూ.. పెళ్లికి రెడీ అవుతోంది టాలీవుడ్ కొత్త జంట రానా-మిహీక బాజాజ్. ఇటీవల తన ప్రేయసిని సోషల్ మీడియా ద్వారా పరిచయం చేసిన రానా.. పెళ్లికి రెడీ అని గ్రీన్ సిగ్నల్ ఇచ్చేశారు. దీంతో తండ్రి సురేష్ బాబు వీరి పెళ్లిని కన్ఫామ్ చేస్తూ తొందరలోనే పెళ్లి ఉండబోతుందని అధికారికంగా ప్రకటించారు. దీంతో రానా పెళ్లి వార్త సోషల్ మీడియాలో వైరల్ అవుతుండగా.. బుధవారం నాడు మిహీక బాజాజ్ పేరెంట్స్ ముంబై నుంచి రానా ఇంటికి రావడంతో వీరి ఎంగేజ్‌మెంట్ జరగబోతుందంటూ వార్తలు వచ్చాయి. లాక్ డౌన్ నేపథ్యంలో చాలా తక్కువ మంది కుటుంబ సభ్యులతో ఈ ఎంగేజ్ మెంట్ చేస్తున్నట్టు వార్తలు రాగా.. ఇది నిశ్చితార్థం కాదని కేవలం పెళ్లి ముహూర్తాల కోసం ఇరు కుటుంబాల పెద్దలు కలుసుకున్నామన్నారు సురేష్ బాబు. నిశ్చితార్థంతో పాటు పెళ్లి ముహూర్తాలు కూడా ఖారారు చేసుకున్నామని త్వరలోనే అన్ని వివరాలు ప్రకటిస్తామని తెలిపారు సురేష్ బాబు. ఇదిలా ఉంటే.. రానా తన ప్రేయసి మిహీక బాజాజ్‌ను సోషల్ మీడియాలో పరిచయం చేసిన తరువాత ఆమె పెద్ద సెలబ్రిటీగా మారింది. ఈమె కోసం చాలా మంది సెర్చ్ చేస్తుండటంతో మిహీక బాజాజ్ టాప్ ట్రెండింగ్‌‌లో ఒకరిగా ఉన్నారు. ఆమె ఎక్కడ? ఎవరు? ఏం చేస్తుంది లాంటి వివరాలతో పాటు రానాతో పరిచయం గురించిపై కూడా ఆరా తీస్తున్నారు. హైదరాబాద్‌కే చెందిన ప్రముఖ ఈవెంట్ ప్లానర్ అని.. ఇంటీరియల్ డిజైన్‌లో మాస్టర్ డిగ్రీ పూర్తిచేసిన మిహీకా సొంతంగా ‘డ్యూ డ్రాప్ డిజైన్’ అనే ఈవెంట్ డిజైన్ కంపెనీని నడుపుతున్నారని ఇలా చాలా విషయాలు బయటకు వచ్చాయి. అంతే కాదు ఫ్యాషన్ డిజైనింగ్‌లో మెళుకువలు తెలియజేస్తూ ఆమె పలు మ్యేగజైన్స్‌కి ఆర్టికల్స్ రాస్తుంటుందని తెలుస్తోంది. ఈ తరుణంలో రానాకి కాబోయే వైఫ్‌కి సంబంధించిన పచ్చబొట్టుపై చర్చ నడుస్తోంది. వీరిద్దరి పెళ్లికి పెద్దల అంగీకారం లభించడంతో తనకు కాబోయే భర్త రానా పేరులోని మొదటి అక్షరం ‘R’ని, తన పేరు (మిహీక)లోని మొదటి అక్షరం ‘M’ని తన చేతిపై పచ్చబొట్టుగా వేసుకుందట ఈ కొత్త పెళ్లి కూతురు. లవ్ సింబల్‌తో కూడిన ఈ పచ్చబొట్టు చూడ్డానికి చాలా అట్రాక్టివ్‌‌గా అనిపిస్తూ ఒకరిపై ఒకరికి ఉన్న ప్రేమను తెలియజేసేదిగా ఉండటంతో మిహీకా బజాజ్ పచ్చ బొట్టు సోషల్ మీడియాలో వైరల్ అవుతోంది.

from https://ift.tt/3cLghmC