రకుల్ ప్రీత్ సింగ్ చేతిలో మద్యం బాటిళ్లు.. వైరల్ వీడియోపై హీరోయిన్ జబర్దస్త్ రియాక్షన్

సోషల్ మీడియా అందుబాటులోకి వచ్చాక సెలబ్రిటీలకు ఎప్పుడూ ఏదోఒక తలనొప్పి వస్తూనే ఉంది. కొందరు నెటిజన్స్ సినీ నటుల తాలూకు ఫోటోలు, వీడియోలు తప్పుగా వైరల్ చేస్తుండటం కొరకరాని కొయ్యగా మారింది. అసలు విషయం ఏంటనేది తెలుసుకోకుండానే లేనిపోని సమస్యలు తెచ్చే పోస్టులు పెడుతున్నారు నెటిజన్స్. ముఖ్యంగా హీరోయిన్స్ అయితే వీటి బారిన ఎక్కువగా పడుతుండటం గమనించవచ్చు. ఈ క్రమంలోనే తనకు సంబంధించిన ఓ వీడియో తప్పుగా వైరల్ అవుతుండటం పట్ల జబర్దస్త్ రియాక్షన్ ఇచ్చింది యంగ్ హీరోయిన్ . గత రెండుమూడు రోజులుగా రకుల్ ప్రీత్ సింగ్ వీడియో ఒకటి సోషల్ మీడియాలో వైరల్ అవుతోంది. ఈ వీడియోలో చేతిలో ఓ రెండు బాటిల్స్ పట్టుకొని నెమ్మదిగా రోడ్డు దాటుతూ కనిపిస్తోంది రకుల్. అయితే ఆ బాటిల్స్ ఏంటనేవి మాత్రం స్పష్టంగా కనిపించడం లేదు. దీంతో ఈ వీడియోను సామాజిక మాధ్యమాల్లో పోస్ట్ చేస్తూ ''రకుల్ ప్రీత్ సింగ్ మద్యం కొనుగోలు చేసింది.. కావాలంటే ఆమె చేతిలో ఉన్న మద్యం బాటిళ్లు చూడండి'' అని పేర్కొంటున్నారు నెటిజన్స్. వీడియో చూస్తుంటే అలాగే అనిపిస్తుండటంతో అందరూ షేర్ చేసుకున్నారు. దీంతో బాలీవుడ్ టు టాలీవుడ్ ఎక్కడ చూసినా అదే టాపిక్ చర్చనీయాంశంగా మారింది. కేంద్ర ప్రభుత్వ నిర్ణయంతో దేశంలో వైన్ షాపులు కూడా తెరుచుకోవడంతో రకుల్ మద్యం కొనుగోలు చేయడం నిజమే అని ఫిక్సయ్యారంతా. కానీ నిజానికి ఆమె చేతిలో ఉన్నవి మద్యం బాటిళ్లు కాదు. మెడికల్ షాపులో దొరికే మందు బాటిళ్లు. ముంబైలోని బాంద్రాలో ఓ మెడికల్ షాప్ వద్ద రకుల్ ప్రీత్ సింగ్ మందులు కొనుగోలు చేసుకుని రోడ్డు దాటుతుండగా ఓ వ్యక్తి ఈ వీడియో తీయడంతో ఇదంతా జరిగింది. Also Read: ఈ క్రమంలో తనపై జరుగుతున్న అసత్య ప్రచారంపై స్పందించింది రకుల్ ప్రీత్. అదే వీడియోను తన ట్విట్టర్ ఖాతా ద్వారా షేర్ చేస్తూ జబర్దస్త్ కౌంటర్ వేసింది. ''వావ్!!మెడికల్ షాపుల్లో కూడా మద్యం అమ్మకాలు జరుగుతున్నాయా? ఆశ్చర్యంగా ఉంది. ఆ విషయం నాకు తెలియదే'' అంటూ బూటకపు మాటలు చేప్పేవారి చెంపచెళ్లుమనిపించేలా ట్వీట్ చేసింది. గతంలో కూడా తనపై వస్తున్న ట్రోల్స్‌పై ఆమె ఘాటుగా స్పందించిన సంగతి తెలిసిందే.

from https://ift.tt/2YJM6rW