విలాసవంతమైన భవనంలో ఆయనతో స్టార్ హీరోయిన్.. లాక్‌డౌన్ సమయంలో జాలీగా!

కరోనా కారణంగా ఏర్పడిన ఈ విరామ సమయాన్ని సెలబ్రిటీలు జాలీగా గడుపుతున్నారు. లాక్‌డౌన్ వల్ల షూటింగ్స్ అన్నీ బంద్ కావడంతో తమ తమ కుటుంబాలకే పూర్తి సమయాన్ని కేటాయిస్తున్నారు. ఈ క్రమంలోనే స్టార్ హీరోయిన్, మాజీ మిస్ వరల్డ్ ప్రియాంకా చోప్రా.. తన భర్త నిక్ జోనాస్‌తో విలాసవంతమైన భవనంలో హాయిగా ఎంజాయ్ చేస్తోంది. అమెరికాలోని లాస్‌ ఏంజెల్స్‌లో ఉన్న తమ భారీ భవనంలో ప్రస్తుతం ఈ జోడీ సరదా సమయం గడిచిపోతోంది. రోజంతా వర్కవుట్స్ చేస్తూ, పెంపుడు కుక్కతో ఉల్లాసంగా ఉంటున్నారు ప్రియాంక- నిక్ దంపతులు. ప్రస్తుతం ఇందుకు సంబంధించిన పిక్స్ వైరల్ అవుతున్నాయి. తనకంటే పదేళ్లు చిన్నవాడైన హలీవుడ్‌ గాయకుడు నిక్‌ జోనాస్‌‌ని ప్రేమించి పెళ్లాడింది ప్రియాంకా చోప్రా. ఆ సమయంలో వీరిద్దరి రొమాంటిక్ పిక్స్ సోషల్ మీడియాను షేక్ చేశాయి. నేటికీ అదే రేంజ్ రొమాంటిక్ లుక్స్ పోస్ట్ చేస్తూ నెటిజన్లను ఆకట్టుకుంటూ ఉంటుంది ప్రియాంక. పెళ్లయ్యాక హాయిగా హనీమూన్ షికార్లు కొట్టిన ఈ హాట్ జోడీ.. ఆ తర్వాత అమెరికాలోని లాస్ ఏంజెల్స్‌లో ఈ విలాసవంతమైన భవనాన్ని కొనుగోలు చేశారు. దీనికోసం దాదాపు 150 కోట్ల రూపాయలు (20 మిలియన్‌ డాలర్స్) వెచ్చించారట. ఈ భవనం తాలూకు విశేషాలు, అందులోని అత్యాధునిక సదుపాయాల గురించి తెలిసి అంతా షాక్ అవుతున్నారు. 20 వేల చదరపు అడుగులతో ఉన్న ఈ ఇంట్లో 7 పడక గదులు, 11 బాత్‌ రూమ్‌లు ఉన్నాయి. హై సీలింగ్‌, హోమ్ థియేటర్స్‌తో పాటు ఇంటిముందు విశాలమైన మైదానం కూడా ఉంది. గ్లోబల్ స్టార్ హోదాలో హాయిగా భర్తతో ఈ భవనంలోనే లాక్‌డౌన్ సమయాన్ని ఉల్లాసంగా గడుపుతోంది .

from https://ift.tt/3cGfzXF