అసత్యపు వార్తలు రాసే కొన్ని వెబ్సైట్లను ఏకిపారేస్తూ వాళ్ళ ధోరణిపై ఫైర్ అయిన సంగతి తెలిసిందే. నిజానిజాలు తెలుసుకోకుండా కొందరు తప్పుడు వార్తలు రాస్తున్నారని, అలాంటి వెబ్సైట్లపై చర్యలు తీసుకోవాల్సిన అవసరం ఉందని ఆయన మండిపడ్డారు. అయితే ఆ వీడియోలో విజయ్ పేర్కొన్న అంశాలపై టాలీవుడ్ సినీ ప్రముఖులు పెద్దఎత్తున స్పందిస్తూ ఆయనకు మద్దతు పలుకుతున్నారు. హీరో మహేష్ బాబు మొదలుకొని అల్లరి నరేష్, రవితేజ, నాగబాబు సహా చిరంజీవి సైతం విజయ్కి అండగా నిలుస్తూ సపోర్టింగ్ ట్వీట్స్ చేశారు. మరోవైపు దర్శకులు వంశీ పైడిపల్లి, అనిల్ రావిపూడి, కొరటాల శివ, హరీష్ శంకర్ తదితరులు అలాంటి వెబ్సైట్లపై చర్యలు తీసుకోవాల్సిందే అని డిమాండ్ చేశారు. ఇక తాజాగా విజయ్ని సపోర్ట్ చేస్తూ డాషింగ్ డైరెక్టర్ పూరిజగన్నాథ్, నిర్మాత కౌర్ ట్వీట్స్ చేశారు. ''ఆకలితో ఉన్న ఎన్నో కుటుంబాలకి అన్నం పెట్టావ్ నువ్వు. నీ సొంత డబ్బులుపెట్టి ఇంత సేవ చేస్తున్నావు. దాన్ని అంతా గౌరవించాలి కానీ ఊహించని విధంగా దీనిపై యుద్ధం మొదలైంది. మనమంతా కలిసి పోరాడదాం. నీకు మీకు అండగా ఉంటాం. యూ ఆర్ మై ఫైటర్'' అని పేర్కొంటూ పూరి జగన్నాథ్ ట్వీట్ చేశారు. అదేవిధంగా ఛార్మి ట్వీట్ చేస్తూ.. వ్యక్తిగతంగా నువ్వేంటో మాకు తెలుసు. మంచి చేసే నీకు ఎప్పుడూ మంచే జరుగుతుంది. నీవు చేసే మంచి పనులను ప్రపంచం గుర్తిస్తుంది. మా ఫైటర్కి అందరం అండగా ఉంటాం'' అని పేర్కొంది. మరోవైపు నిర్మాతల మండలి సైతం అలాంటి ఫేక్ వార్తలు రాసే వెబ్ సైట్లపై చర్యలు తీసుకుంటామని చెప్పింది. Also Read:
from https://ift.tt/2W2D7jH
No comments:
Post a Comment