ప్రభాస్ సినిమాలో నటిస్తున్నా: భాగ్యశ్రీ

ఆల్ టైమ్ ఎవర్ గ్రీన్ పిక్చర్ ‘మైనే ప్యార్ కియా’. అప్పట్లో ఈ మూవీ బాలీవుడ్ బాక్సాఫీస్‌ను షేక్ చేసింది. కోట్లలో నోట్ల వర్షం కురిపించింది. ఈ సినిమాలో సల్మాన్ ఖాన్ హీరోయిన్‌గా నటించి భాగ్యశ్రీ స్టార్ ఇమేజ్ సొంతం చేసుకున్నారు. ఇప్పుడు ఆమె మరోసారి రీ ఎంట్రీకి సిద్ధమవుతున్నారు. అప్పట్లో ఈ సినిమా తెలుగులో ప్రేమ పావురాలు పేరుతో డబ్ చేశారు. అయితే ఇప్పుడు భాగ్యశ్రీ నేరుగా ఓ తెలుగు సినిమాలో నటించనున్నట్లు స్వయంగా ఆమే తెలిపారు. టాలీవుడ్ యంగ్ రెబల్ స్టార్ ప్రభాస్ సినిమా కథ విన్నానని ఆమె తాజాగా ఓ ఆంగ్ల పత్రికకు ఇచ్చిన ఇంటర్య్వూలో పేర్కొన్నారు. . తాజాగా ఓ ఆంగ్ల పత్రికతో మాట్లాడిన భాగ్యశ్రీ తన కమ్‌బ్యాక్ గురించి స్పందించింది. `మళ్లీ సినిమాల్లో నటించాలని నిర్ణయం తీసుకున్నాను. ఇప్పటికే కొన్ని స్క్రిప్టులు విన్నాను. రెండు సినిమాలకు ఓకే చెప్పాను. అందులో ప్రభాస్ సినిమా ఒకటి` అని భాగ్యశ్రీ చెప్పింది. చాలా రోజుల వరకూ సినిమాలకు భాగ్యశ్రీ దూరంగా ఉంటూ వస్తున్నారు. ఇప్పుడు మళ్ళీ రీ ఎంట్రీకి ఆమె సిద్ధమవుతున్నారు. ఇకపోతే.. రాధాకృష్ణ దర్శకత్వంలో యంగ్ రెబల్‌స్టార్ ప్రభాస్ ప్రస్తుతం ఓ సినిమా చేస్తున్న సంగతి తెలిసిందే. పూజా హెగ్డే ఈ సినిమాలో హీరోయిన్‌గా నటిస్తోంది. ఈ సినిమాను దక్షిణాది భాషలతోపాటు హిందీలో కూడా విడుదల చేయాలని ప్లాన్ చేస్తున్నారు. అందుకే బాలీవుడ్ సీనియర్ హీరోయిన్ భాగ్యశ్రీని ఈ సినిమాలోకి తీసుకున్నారని వార్తలు వచ్చాయి. గతంలో ప్రభాసే ఈ విషయాన్ని తెలిపినట్లు అంతా చర్చించుకుంటున్నారు. ప్రభాస్ తన ఇన్‌స్టాగ్రామ్ ద్వారా భాగ్యశ్రీకి పుట్టినరోజు శుభాకాంక్షలు తెలిపాడు. దీంతో ఆమె ఈ సినిమా నటిస్తుందన్న వార్తలు వచ్చాయి. అయితే ఆమె ప్రభాస్‌కు తల్లిగా నటించనుందా ? మరేమైనా లాడ్ రోల్‌ చేయనుందా అన్ని మాత్రం విషయం ఇంకా తెలియలేదు. మొత్తానికి ప్రభాస్ సినిమాలో నటిస్తున్నట్లు స్వయంగా భాగ్యశ్రీయే ఇప్పుడు స్పష్టం చేయడంతో... ఈ సినిమాపై ప్రేక్షకులు పెట్టుకున్న అంచనాలు పెరుగుతన్నాయి.

from https://ift.tt/2T2M3Us