Allu Arjun ‘పుష్ప’లో దోసెలేయడాలు ఉండవ్.. అంతా డించిక్ డించిక్.!

పుష్ప ఫస్ట్‌లుక్‌తో సినిమా అంచనాలు పెంచేశారు దర్శకుడు . రంగస్థలం సినిమాలో రామ్ చరణ్‌ను ఎలాగైతే పూర్తిగా మార్చేసి చిట్టిబాబుగా సరికొత్త రూపం తీసుకుని వచ్చారో.. స్టైలిష్ స్టార్ అల్లు అర్జున్‌‌ని ఎవరూ ఊహించన విధంగా ఫస్ట్‌లుక్‌లో చూపించారు. పెరిగిన జుట్టు, మాసిన గెడ్డం-మీసాలతో అల్లు అర్జున్‌ని రగ్డ్ లుక్‌లో చూపించి మెస్మరైజ్ చేశారు. ఎప్పుడో 1980 నాటి బ్యాక్ డ్రాప్ కథలా పాత రకం స్టైల్‌లో అల్లు అర్జున్‌ని మొరటు లారీ డ్రైవర్‌గా చూపించారు. స్టైలిష్‌కి మారుపేరుగా ఉన్న బన్నీని పూర్తిగా మార్చేసి.. ఇతనే హీరోనా అన్నంతగా బన్నీ మేకప్, కాస్ట్యూమ్స్‌లో వేరియేషన్స్ చూపించారు. కథకు తగ్గట్టుగా క్యారెక్టర్స్‌ని మాత్రమే కాదు.. క్యాస్ట్యూమ్, డిజైన్, సెట్స్ విషయంలో చాలా జాగ్రత్త ఉండే సుకుమార్.. సాంగ్స్, డాన్స్ విషయంలోనూ స్పెషల్ కేర్ తీసుకుంటున్నారట. రంగస్థలం మాదిరే ఈ చిత్రంలోనూ పల్లెటూరి నేపథ్యంలోనే ఈ కథ ఉండటంతో ఇందులో బన్నీ డాన్స్ కూడా అదే తరహాలో ఉంటుందట. ‘అల.. వైకుంఠపురములో’ చిత్రంలోని దోసె, బెంచ్, బుట్ట బొమ్మ స్టెప్పులు ఎంత ఫేమస్ అయ్యాయో అందరికీ తెలిసిందే. సింపుల్‌ అండ్ స్టైలిష్‌గా ఉండే ఈ స్టెప్పులు మన స్టైలిష్ స్టార్ చేతిలో పడేసరికి మరింత స్టైలిష్ అయ్యి ప్రపంచ వ్యాప్తంగా వైరల్ అయ్యాయి. అయితే పుష్ప చిత్రంలో ఇలాంటి అల్ట్రా స్టైలిష్ వెస్ట్రన్ మూమెంట్స్ పెడితే కథలో ఉన్న నేచురాలిటీ దెబ్బతినే అవకాశం ఉండటం.. పక్కా మాస్ స్పెప్పులతో అలరించబోతున్నారట బన్నీ. ఇందుకోసం ప్రత్యేకించి పల్లె నేపథ్యంలో ఉండే డాన్స్‌లను ఈమూవీ కోసం అడాప్ట్ చేసుకున్నారట సుకుమార్. అయితే మాస్ అయినా క్లాస్ అయినా బన్నీ స్టెప్ వేశాడంటే సీటు చిరిగిపోవాల్సిందే అన్నంతం రేంజ్‌లో డాన్స్ విషయంలో పాటకు ప్రాణం పెడతాడు బన్నీ. అల.. వైకుంఠపురములో చిత్రంలో స్టైలిష్ స్టెప్పులతో ఇరగదీసిన బన్నీ.. పుష్పలో మాస్ బీట్‌లకు దుమ్ములేచిపోయే స్టెప్పులేయడం ఖాయమే అంటున్నారు. పాన్ ఇండియా మూవీగా తెలుగుతో పాటు హిందీ, తమిళం, మలయాళం, కన్నడ భాషల్లో ఈ చిత్రాన్ని తెరకెక్కిస్తున్నారు సుక్కూ. ఈ చిత్రంలో బన్నీ సరసన రష్మిక మందన హీరోయిన్‌గా నటిస్తుండగా.. దేవీశ్రీ ప్రసాద్ సంగీతం సమకూరుస్తున్నారు. ముత్తంశెట్టి మీడియాతో కలిసి మైత్రీ మూవీ మేకర్స్ బ్యానర్‌పై నవీన్ యెర్నేని, వై. రవిశంకర్ ఈ సినిమాను నిర్మిస్తున్నారు.

from https://ift.tt/2L63YVS