ఇండియన్ క్రికెట్‌ను గ‌తిని మార్చిన సంవత్సరం 1983. భార‌త‌దేశం క్రికెట్ ప్రపంచంలో రారాజుగా అవ‌త‌రించిన ఏడాది అది. క‌పిల్ డేర్ డెవిల్స్ సాధించిన అపూర్వ విజ‌యంతో ఇండియాలో చాలా మందికి క్రికెట్ ఫేవ‌రేట్ గేమ్‌గా మారింది. ఈ అద్భుత‌మైన ప్రయాణాన్ని ‘83’ పేరుతో వెండితెర‌పై ఆవిష్కరించారు డైరెక్టర్ కబీర్ ఖాన్. ప్రస్తుతం దేశంలో క‌రోనా ప్రభావంతో సినీ ప‌రిశ్రమ స్తంభించింది. ఈ కార‌ణంగా ‘83’ సినిమా విడుద‌ల‌ను నిర్మాత‌లు వాయిదా వేశారు. భారత్ మొట్టమొదటిసారిగా ప్రపంచ కప్‌ను సాధించిన ప్రయాణంలో ప‌లు ఆస‌క్తిక‌ర‌మైన ఘ‌ట్టాలు చోటు చేసుకున్నాయి. వీట‌న్నింటినీ ‘83’ సినిమాలో ఆవిష్కరించారు డైరెక్టర్ కబీర్ ఖాన్. 20 జూన్ 1983 పూర్తయ్యే గ్రూప్ మ్యాచ్‌ల‌తో ఇండియన్ క్రికెట్ టీమ్ టూర్ ముగుస్తుంద‌ని అంద‌రూ భావించారు. జూన్ 22న ఫైన‌ల్ మ్యాచ్‌ను షెడ్యూల్ చేశారు. దీంతో, జట్టులో చాలా మంది రిట‌ర్న్ టికెట్స్ కూడా బుక్ చేసుకున్నారు. Also Read: అప్పటికి జట్టులో ఉన్న ఏడుగురు ఆటగాళ్లు కొత్తగా పెళ్లిచేసుకున్నారు. వారంతా భార్యలతో వెకేషన్ ప్లాన్ చేసుకున్నారు. జూన్ 20న ముగిసే గ్రూప్ మ్యాచ్‌లు త‌ర్వాత న్యూయార్క్ త‌దిత‌ర ప్రాంతాల‌కు వెకేషన్ వెళ్లాల‌నుకున్నారు. కానీ, అద్భుతం జరిగింది. వాళ్ల అంచనాలు తారుమారు అయిపోయాయి. ఈ విషయాల గురించి దర్శకుడు కబీర్ ఖాన్ తాజాగా మాట్లాడారు. ‘‘1983 వరల్డ్ కప్‌కు సంబంధించిన ప్రయాణంలో నా ద‌గ్గర 100 క‌థ‌లున్నాయి. వాటిలో నుండి 25 క‌థ‌ల‌ను ఆధారంగా చేసుకుని సినిమాను తెర‌కెక్కించాను. ఈ స్క్రిప్ట్‌ను త‌యారు చేయ‌డానికి ఏడాదిన్నర స‌మ‌యం పట్టింది. ఇందులో చాలా లేయ‌ర్స్ ఉన్నాయి. కేవ‌లం ఆట‌గాళ్ల కోణంలోనే కాకుండా కామెంటేట‌ర్స్‌, ప్రేక్షకుల కోణంలోనూ సాగుతుంది. శ్రీకాంత్ సహా మ‌రో ఆరుగురు ఆటగాళ్లు గ్రూపు మ్యాచ్‌లు ముగియ‌గానే వెకేష‌న్స్ బ‌య‌లుదేరాల‌ని అనుకున్నారు. ఆ ఏడుగురు ఆటగాళ్లు ముంబై నుండి న్యూయార్క్‌కి వ‌యా లండ‌న్ మీదుగా టికెట్స్‌ను బుక్ చేసుకున్నారు. శ్రీకాంత్ సహా చాలా మంది ఆట‌గాళ్లకి గ్రూపు మ్యాచ్‌ల‌ను దాటుతామ‌నే న‌మ్మకం లేదు. ఇండియా వరల్డ్ కప్ గెలవడంతో శ్రీకాంత్ సహా ఆటగాళ్లంతా తమ యూఎస్ ట్రిప్‌ను రద్దు చేసుకున్నారు’’ అని కబీర్ ఖాన్ ఆసక్తికర విషయాలు చెప్పారు. ఇండియ్ టీమ్‌లో చాలా మందికి ఈ టోర్నమెంట్ విజ‌యంపై పెద్దగా న‌మ్మకం లేదు. అయితే వారంద‌రూ చ‌క్కగా పెర్ఫామ్ చేయ‌డంతో మంచి విజ‌యాన్ని అందుకోవ‌డ‌మే కాకుండా క్రికెట్ హిస్టరీలో ఓ ప్రత్యేక స్థానాన్ని సంపాదించారు. కాగా, ఈ చిత్రాన్ని రిల‌య‌న్స్ ఎంటర్టైన్మెంట్, ఫాంటమ్ ఫిలిమ్స్ బ్యాన‌ర్స్ స‌మ‌ర్పణ‌లో క‌బీర్‌ఖాన్ ఫిలిమ్స్ ప్రొడ‌క్షన్ ప‌తాకంపై దీపికా ప‌దుకొనె, కబీర్ ఖాన్, విష్ణు ఇందూరి, సాజిద్ న‌డియ‌డ్ వాలా, ఫాంటమ్ ఫిలిమ్స్, రిల‌య‌న్స్ ఎంటర్టైన్మెంట్, 83 ఫిలిమ్ లిమిటెడ్ నిర్మిస్తున్నాయి.
from https://ift.tt/2zqScm9
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment