మెగా కోడలు ఎప్పుడూ సోషల్ మీడియాలో యాక్టివ్గా ఉంటుది. ఎప్పటికప్పుడు అన్ని విషయాల్ని అప్ డేట్ చేస్తుంటుంది. ముఖ్యంగా హెల్త్, హైజీన్ విషయంలో ఉపాసన నెటిజన్స్కు అనేక సలహాలు, సూచనలు చేస్తుంటోంది. తాజాగా కరోనా వైరస్ విషయంలో కూడా ఉపాసన ముందుంది. పేదవారికి తోచిన సాయం చేస్తోంది. అపోలో ఫార్మసీల్లో సినిమా కార్మికులకు ఉచితంగా మందుల పంపిణి కూడా చేస్తుంది ఉపాసన. ఇదిలా ఉంటే కరోనాకు బలైపోతున్న వాళ్ల సంఖ్య ప్రపంచ వ్యాప్తంగా రోజురోజుకూ గణనీయంగా పెరుగుతోంది. దాంతో కరోనా మహమ్మారి కరాళ నృత్యం చేస్తున్న ఈ సమయంలో ఉపాసన కొత్త ఛాలెంజ్ విసిరింది. ప్రపంచ ఆరోగ్య దినోత్సవం సందర్భంగా ఉపాసన ఓ ట్వీట్ చేసింది. కరోనా వైరస్ విషయంలో డాక్టర్లు, వైద్య సిబ్బంది చేస్తున్న కృషికి వరల్డ్ హెల్త్ ఆర్గనైజేషన్ (WHO) థ్యాంక్స్ హెల్త్ హీరోస్ ఛాలెంజ్ మొదలు పెట్టింది. దీనిపై ఉపాసన స్పందించింది. తన వంతుగా వైద్య సిబ్బందికి, పారిశుధ్య కార్మికులకు కృతజ్ఞతలు తెలుపుతూ ట్విట్టర్లో ఓ వీడియో పోస్టు చేసింది. ప్రపంచ ఆరోగ్య దినోత్సవం సందర్బంగా ట్విట్టర్లో.. తమ ప్రాణాలను సైతం లెక్క చేయకుండా తమ కుటుంబాలను కూడా వదిలి మన కోసం వాళ్ల ప్రాణాలు పణంగా పెట్టి సేవ చేస్తున్న వాళ్లకు సెల్యూట్ అంటూ ఒక వీడియోను ట్వీట్ చేసింది ఉపాసన. ఉపాసన ట్వీట్పై WHO డైరెక్టర్ జనరల్ అయిన టెడ్రోస్ అదోనమ్ స్పందించారు. థ్యాంక్స్ హెల్త్ హీరోస్ ఛాలెంజ్లో మీరు కూడా భాగస్వామి అయినందుకు కృతజ్ఞతలు అంటూ ఉపాసనకు రిప్లై ఇచ్చారు. మీరు ఇండియాలో ఈ ఛాలెంజ్ తీసుకోవడం సంతోషంగా ఉందని తెలిపాడు టెడ్రోస్. దీనిపై ఉపాసన కూడా స్పందించింది. మీ అభిమానానికి కృతజ్ఞతలు అంటూ మరో ట్వీట్ చేసింది మెగా కోడలు. మరి ఉపాసన విసిరిన ఛాలెంజ్ను ఇండియాలో ఎంతమంది స్వీకరిస్తారో వేచి చూడాలి.
from https://ift.tt/2VxLaUr
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment