నాని సినిమాకు ఫుల్ డిమాండ్.. V మూవీకి అమెజాన్ భారీ ఆఫర్!

నాచురల్ స్టార్ నాని హీరోగా మోహన‌కృష్ణ ఇంద్రగంటి దర్శకత్వంలో తెరకెక్కిన 'V' చిత్రానికి భారీ డిమాండ్ నెలకొంది. నాని, సుధీర్ బాబు హీరోలుగా రూపొందిన ఈ చిత్రాన్ని ఉగాది సంద‌ర్భంగా మార్చి 25న విడుద‌ల చేయబోతున్నామని అఫీషియల్ గా ప్రకటించారు. అయితే ఉహించని విధంగా కరోనా విలయతాండవం చేయడం, ఆ కారణంగా థియేటర్స్ మూతపడటం జరిగాయి. దీంతో ఈ చిత్ర విడుదల వాయిదా పడింది. ఈ నేపథ్యంలో 'V' సినిమాపై ఉన్న అంచనాలను క్యాచ్ చేసుకునేలా అమెజాన్‌ ప్రైమ్ సంస్థ ఈ మూవీ హక్కులను కొనుగోలు చేసేందుకు ముందుకొచ్చిందట. ఈ సినిమా హక్కుల కోసం అమెజాన్ సంస్థ ఏకంగా రూ.35 కోట్లు ఆఫ‌ర్ చేసింద‌ని సమాచారం. అంతేకాదు థియేట‌ర్స్ లో విడుదల కావడం కంటే ముందుగానే త‌మ ఫ్లాట్‌ఫామ్‌లో 'V' చిత్రాన్ని విడుద‌ల చేసుకునేలా నిర్మాత‌ల‌తో సంప్ర‌దింపులు జరుపుతోందట అమెజాన్. అతిత్వరలో ఈ డీల్ సెట్ చేసి ఇంట్లోనే కుటుంబ సమేతంగా నాని V సినిమా చూసే అవకాశం కల్పించబోతోందట సదరు సంస్థ. అంటే నాని సినిమాకు ఏ రేంజ్ డిమాండ్ ఉందో అర్థం చేసుకోవచ్చు. Also Read: నాని కెరీర్ లో 25వ సినిమాగా రాబోతున్న ఈ చిత్రాన్ని శ్రీ వెంక‌టేశ్వ‌ర క్రియేష‌న్స్ బ్యాన‌ర్‌పై రూపొందించగా.. శిరీష్‌,ల‌క్ష్మ‌ణ్‌,హ‌ర్షిత్ నిర్మాత‌లుగా వ్యవహరించారు. నివేదా థామ‌స్‌, అదితిరావు హైద‌రి హీరోయిన్లుగా నటించారు. 'సైరా నరసింహా రెడ్డి' ఫేమ్ అమిత్ త్రివేది సంగీతం అందించారు. ఈ సినిమాలో నాని ఫుల్‌ లెంగ్త్‌ విలన్‌గా కనిపించనుండటం విశేషం. సో.. అమెజాన్ డీల్ సెట్ చేస్తే ఇక ఇంట్లోనే V మూవీ చూసేయొచ్చు. చూద్దాం మరి ఏం జరుగుతుందో!.

from https://ift.tt/3a0xSov