దర్శకధీరుడు రాజమౌళి సినిమాలంటే జనాల్లో ఆ క్రేజ్ ఏ రేంజ్లో ఉంటుందో అందరికీ తెలిసిందే. తెలుగు చిత్రసీమలో హిట్ చిత్రాలు, బిగ్గెస్ట్ బ్లాక్ బస్టర్ సినిమాలకు కేరాఫ్ అడ్రస్గా మారిన ఆయన ప్రస్తుతం మూవీ తెరకెక్కిస్తున్నారు. ‘బాహుబలి’ లాంటి భారీ సినిమా తర్వాత ఆయన దర్శకత్వంలో ఈ సినిమా రాబోతోంది. దీంతో షూటింగ్ ప్రారంభం నుంచే RRRపై భారీ అంచనాలు పెట్టుకుంది ప్రేక్షకలోకం. ఆ అంచనాలను రెట్టింపు చేసేలా చిత్రానికి సంబంధించిన కొన్ని అప్డేట్స్ వార్తల్లో నిలుస్తున్నాయి. తాజాగా హీరోయిన్ ఆలియా భట్ రెమ్యూనరేషన్ గురించిన ఓ వార్త సినీ వర్గాల్లో హాట్ టాపిక్ అవుతోంది. తెలుగులో ఆలియాకు ఇదే తొలి సినిమా కావడంతో ఆమె రెమ్యూనరేషన్ రేంజ్ చూసి షాక్ అవుతున్నారంతా. మెగా పవర్ స్టార్ రామ్ చరణ్, యంగ్ టైగర్ ఎన్టీఆర్ హీరోలుగా పాన్ ఇండియా మూవీగా RRR సినిమాను ప్రేక్షకుల ముందుకు తెస్తున్నారు రాజమౌళి. డీవీవీ దానయ్య నిర్మాణంలో రూపొందుతున్న ఈ సినిమా కోసం 400 కోట్ల మేర భారీ బడ్జెట్ కేటాయించారు. ఇటీవలే ఈ మూవీ టైటిల్ సీక్రెట్ బయటపెడుతూ మోషన్ పోస్టర్ ద్వారా సెన్సేషన్ క్రియేట్ చేశారు జక్కన్న. ‘రౌద్రం రుధిరం రణం’ అంటూ వచ్చిన ఈ పోస్టర్ సినిమాపై ఉన్న అంచనాలను అందలమెక్కించింది. ఇకపోతే 1920 పీరియాడికల్ బ్యాక్డ్రాప్లో రాబోతున్న ఈ సినిమాలో మన్నెం వీరుడు అల్లూరి సీతారామరాజుగా రామ్ చరణ్ నటిస్తుండగా, కొమురం భీం పాత్రను ఎన్టీఆర్ పోషిస్తున్నారు. ఎన్టీఆర్ సరసన ఒలీవియా మోరిస్ నటిస్తుండగా, రామ్ చరణ్ సరసన బాలీవుడ్ బ్యూటీ ఆలియా భట్ నటిస్తోంది. అయితే ఆలియా కోసం జక్కన్న అండ్ టీమ్ 5 కోట్ల రూపాయల పారితోషికం ఆఫర్ చేశారనే సమాచారం వైరల్ అవుతోంది. అది కూడా కేవలం పది రోజుల కాల్షీట్స్ కోసమే అని తెలుస్తోంది. ప్రస్తుతం కరోనా వైరస్ విజృంభణ కారణంగా వాయిదా పడిన RRR షూటింగ్ మే నెలలో తిరిగి ప్రారంభం కానుంది. ఈ షెడ్యూల్లోనే ఆలియా ఎంటర్ కానుందట. రాజమౌళి లాంటి గ్రేట్ డైరెక్టర్, దానయ్య లాంటి బడా నిర్మాత ఆలియా కోసం ఈ రేంజ్ బడ్జెట్ కేటాయించారంటే ఆ పాత్ర ప్రాధాన్యత ఏ రేంజ్లో ఉంటుందో చూడాలి మరి.
from https://ift.tt/2ySmfmR
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment