RRRలో నవదీప్..! క్లారిటీ ఇచ్చిన యంగ్ హీరో

దర్శక ధీరుడు రాజమౌళి రూపొందిస్తున్న మూవీపై వస్తున్న అప్‌డేట్స్ ప్రేక్షకుల్లో ఉన్న ఆసక్తికి రెక్కలు కడుతున్నాయి. బాహుబలి లాంటి భారీ సినిమా తర్వాత RRRతో రాబోతున్న జక్కన్న.. ఈ సినిమాపై స్పెషల్ కేర్ తీసుకుంటూ ప్యాన్ ఇండియా మూవీగా పలు భాషల్లో విడుదల చేయబోతున్నారు. అన్ని భాషల్లోని ఫేమస్ నటీనటులను భాగం చేస్తున్నారు. ఈ క్రమంలోనే ఇందులో యంగ్ హీరో నటిస్తున్నాడనే వార్త వైరల్ అయింది. ఈ వార్త చూసి తాజాగా దీనిపై క్లారిటీ ఇచ్చాడు నవదీప్. గత కొద్దిరోజులుగా సోషల్ మీడియాలో యాక్టివ్‌గా ఉంటున్న నవదీప్.. కండలు తిరిగిన తన దేహాన్ని ప్రదర్శిస్తున్నాడు. దీంతో RRR మూవీ కోసమే నవదీప్ ఇలా కండలు పెంచుతున్నాడనే టాక్ ముదిరింది. ఈ నేపథ్యంలో సోషల్ మీడియా వేదికగా స్పందించిన ఆయన RRRలో తాను నటిస్తున్నట్లుగా వస్తున్న వార్తల్లో నిజం లేదని స్పష్టం చేశారు. దీంతో అలాంటి వార్తలకు ఫుల్‌స్టాప్ పడింది. Also read: ఇకపోతే మెగా పవర్ స్టార్ రామ్ చరణ్, యంగ్ టైగర్ ఎన్టీఆర్‌లతో మల్టీస్టారర్ సినిమాగా రూపొందుతున్న ఈ మూవీలో బాలీవుడ్ హీరో అజయ్ దేవగణ్ కీలకపాత్ర పోషిస్తున్నారు. చెర్రీ సరసన ఆలియాభట్ నటిస్తుండగా, ఎన్టీఆర్ సరసన హాలీవుడ్ బ్యూటీ ఒలీవియా మోరిస్ చిందులేస్తోంది. భారీ బడ్జెట్ కేటాయించి డీవీవీ దానయ్య ఈ సినిమాను నిర్మిస్తున్నారు. ఇటీవలే RRR టైటిల్ సీక్రెట్ రివీల్ చేస్తూ 'రౌద్రం రణం రుధిరం' అని ప్రకటించారు జక్కన్న. ఈ మేరకు విడుదల చేసిన మోషన్ పోస్టర్ ప్రేక్షకుల్లో ఉన్న అంచనాలను రెట్టింపు చేసింది. 1920 బ్యాక్‌డ్రాప్‌లో రూపొందుతున్న ఈ సినిమాలో అల్లూరి సీతారామరాజుగా రామ్ చరణ్, కొమురం భీంగా ఎన్టీఆర్ కనిపించనున్నారు. చిత్రాన్ని వచ్చే ఏడాది జనవరి 8న విడుదల చేయనున్నట్లు ప్రకటించారు రాజమౌళి.

from https://ift.tt/3cnFEdO