సుకుమార్ మళ్ళీ అదే తప్పు చేస్తున్నారా?

మొదటి సినిమాతోనే తన సత్తా ఏంటో చూపించిన దర్శకుడు సుకుమార్. ‘ఆర్య’ సినిమాలో ఈ మాస్టర్ గారు వేసిన ఏ ఒక్క లెక్కా తప్పవలేదు. అందుకే ఆ సినిమా అల్లు అర్జున్‌ని స్టార్‌గా, సుకుమార్‌ని స్టార్ డైరెక్టర్‌గా, దిల్ రాజుని స్టార్ ప్రొడ్యూసర్‌గా నిలబెట్టింది. అయితే, ‘ఆర్య’ ఇచ్చిన బూస్ట్‌తో మళ్ళీ అదే పేరు పెట్టుకుని, హిట్ సినిమాకి సీక్వెల్‌గా ‘ఆర్య-2’ తీశారు ఈ క్రియేటివ్ డైరెక్టర్. కాకపోతే ఆ సినిమాలో హీరోకి మరీ పీక్ యాటిట్యూడ్ పెట్టారు. దాంతో బన్నీతో చేసిన ఫస్ట్ సినిమా హిట్, సెకండ్ సినిమా ఫట్ అయ్యింది. ఈ సినిమా తరువాత ‘100% లవ్’తో మళ్ళీ హిట్ కొట్టి తనను తాను ప్రూవ్ చేసుకున్న సుకుమార్.. మహేష్ బాబుని ఒప్పించి ‘1 నేనొక్కడినే’ సినిమా చేశారు. సాధారణంగా కొన్ని సినిమాలు స్క్రిప్ట్ మీద సరిగా పనిచేయక ఫ్లాప్ అవుతాయి. కానీ ‘1 నేనొక్కడినే’ మాత్రం అందుకు పూర్తిగా భిన్నం. అద్భుతమైన స్క్రీన్ ప్లేతో సినిమా చాలా క్లాస్‌గా ఉంటుంది. కాకపోతే ఆ స్క్రీన్‌ప్లే సుకుమార్ లాంటి మేధావులకు తప్ప మామూలోళ్ళకి అర్థం కావడం కష్టమని విమర్శలు వచ్చాయి. మహేష్ కథ వినే సమయంలో డౌట్స్ వస్తే ఒకటికి రెండు సార్లు విని క్లారిఫై చేసుకున్నారట. కానీ, ప్రేక్షకులు మాత్రం ఒకటికి రెండు సార్లు థియేటర్‌కి వెళ్ళడానికి ఇష్టపడలేదు. Also Read: కానీ సుకుమార్ మాత్రం తన తికమక ఫార్ములాను వదల్లేదు. ఆ తరువాత ఎన్టీఆర్‌తో చేసిన సినిమాకి కూడా అదే ఫార్ములాను ఫాలో అయ్యారు. ‘నాన్నకు ప్రేమతో’ సినిమాలో కూడా బుర్రపెట్టి చూస్తేనే అర్థం అయ్యేలా కొన్ని సీన్స్ పెట్టారు. బాల్స్ గేమ్ సీన్, బట్టర్ ఫ్లై ఎఫెక్ట్, యాంగిల్స్ లెక్కతో రౌడీల తాట తీసే సీన్ వంటివి ‘నాన్నకు ప్రేమతో’ సినిమాలో కీలకం. వాటికి లాజిక్ కరెక్ట్‌గానే ఉన్నా మ్యాజిక్ మాత్రం వర్కౌట్ అవ్వలేదు. కాకపోతే, ‘1 నేనొక్కడినే’ సినిమాతో పోలిస్తే ‘నాన్నకు ప్రేమతో’ ప్రేక్షకులను కాస్తో కూస్తో ఆకట్టుకుంది. ఇంతకుముందు చెప్పుకున్న నాలుగు సినిమాల్లో బ్యాక్ టు బ్యాక్ సినిమాలు ఇంచుయమించు ఒకే థీమ్‌తో, ఒకే జోనర్‌లో వచ్చాయి. కానీ ‘రంగస్థలం’ మాత్రం సుకుమార్ సినిమాల్లోనే కాదు.. అప్పటివరకు వచ్చిన, వస్తున్న తెలుగు సినిమాల్లోనే ఒక సరికొత్త థీమ్‌తో, ఒరిజినల్ ఫ్లేవర్‌తో తెరకెక్కింది. సంచలన విజయం సాధించింది. అయితే, ఇప్పుడు సుకుమార్ అల్లు అర్జున్‌తో తెరకెక్కిస్తున్న ‘పుష్ప’ కూడా రా బ్యాక్ డ్రాప్‌లో, పీరియాడిక్ మూవీగా తెరకెక్కుతుంది అని ఆ సినిమా ఫస్ట్ లుక్ చూస్తే అర్థమయ్యింది. అంటే, సుక్కు మళ్ళీ మరొక ‘రంగస్థలం’ తియ్యాలనుకుంటున్నారా అనే డౌట్ వస్తుంది. ‘రంగస్థలం’ వచ్చేనాటికి అది కొత్త ఫ్లేవర్, పైగా ఆ సినిమా ప్రేక్షకులపై వేసిన ఇంపాక్ట్ కూడా ఇప్పట్లో పోదు. మరి ఈ టైమ్‌లో సుక్కు చేస్తున్న ఈ అటెంప్ట్ ఎంత వరకు కరెక్ట్. పైగా మహేష్ రిజెక్ట్ చేసిన స్టోరీ ఇదే అనే ప్రచారం కూడా జరుగుతుంది. మరి వీటన్నిటికి సమాధానం దొరికేది మాత్రం ‘పుష్ప’ సినిమా రిలీజ్ అయ్యాక మాత్రమే. అప్పటివరకు అంతా సస్పెన్స్.

from https://ift.tt/2UQN9Uo