మద్యం దొరకక డిప్రెషన్.. నిద్రమాత్రలు మింగిన నటి మనోరమ కుమారుడు!

కరోనా వైరస్ వ్యాప్తి చెందకుండా దేశ వ్యాప్తంగా ప్రభుత్వం లాక్‌డౌన్‌ను విధించిన విషయం తెలిసిందే. ఈ సమయంలో నిత్యావసర సరుకులు మినహా అన్ని దుకాణాలను మూసివేవారు. వైన్ షాపులు, బార్‌లు కూడా తెరవడానికి వీల్లేదని ప్రభుత్వం ఆదేశాలు జారీచేసింది. దీంతో మద్యం దొరకక చాలా డిప్రెషన్‌కు లోనవుతున్నారని, పిచ్చెక్కిపోతున్నారని ఇప్పటికే వార్తలు వచ్చాయి. మద్యం దొరకక ఏదో ఒక ద్రావణం తాగి కొంత మంది ఆస్పత్రుల పాలవుతున్నారు. హైదరాబాద్‌లోని ఎర్రగడ్డ ఆస్పత్రిలో ఈ రకమైన కేసులు పెరుగుతున్నాయి. ఇదిలా ఉంటే, దివంగత దిగ్గజ నటి మనోరమ కుమారుడు భూపతి కూడా మద్యం దొరకక డిప్రెషన్‌కు గురై ఆత్మహత్యా ప్రయత్నం చేశారు. మోతాదుకు మించి నిద్రమాత్రలు మింగడంతో ఆయన్ని కుటుంబ సభ్యులు హాస్పిటల్‌లో చేర్చారు. భూపతికి తాగుడు అలవాడు ఉందట. విపరీతంగా మద్యం తాగుతారట. అలాంటి వ్యక్తికి మద్యం దొరకకపోవడంతో ఆయన చాలా ఇబ్బంది పడ్డారట. దీంతో తనను తాను కంట్రోల్ చేసుకోలేక మోతాదుకు మించి నిద్రమాత్రలు మింగేశారని తెలిసింది. ప్రస్తుతం చెన్నైలోని ఓ ప్రైవేట్ హాస్పిటల్‌లో భూపతికి చికిత్స అందిస్తున్నారు. Also Read: కాగా, మనోరమ కుమారుడికి ఇలాంటి పరిస్థితి రావడంపై తమిళ సినీ పరిశ్రమలోని కొంత మంది విచారం వ్యక్తం చేస్తున్నారట. అయితే, ఈ విషయానికి సంబంధించి ఇటు భూపతి కుటుంబ సభ్యులు కానీ, అటు హాస్పిటల్ వర్గాలు కానీ అధికారికంగా ఎలాంటి ప్రకటన చేయలేదు. దివంగత నటి మనోరమ తెలుగు ప్రేక్షకులకు సుపరిచితమే. 1500కు పైగా సినిమాల్లో ఆమె నటించారు. ఐదువేలకు పైగా నాటకాలు వేశారు. అలాగే, పలు టీవీ సీరియల్స్‌లో కనిపించారు. తన డ్రామా ట్రూప్‌లోని మేనేజర్ ఎస్.ఎం. రామనాథన్‌ను 1964లో మనోరమ పెళ్లి చేసుకున్నారు. రెండేళ్ల తరవాత ఆయన నుంచి విడాకులు తీసుకున్నారు. 1966 నుంచి మనోరమ తన కుమారుడితో కలిసి జీవించారు. సినిమాల్లో నటిస్తూ కొడుకును పెంచారు. ఎన్నో గొప్ప సినిమాల్లో నటించిన మనోరమ 78 ఏళ్ల వయసులో 2015లో కన్నుమూశారు.

from https://ift.tt/34tAvxV