కరోనా చైనా కుట్రే.. లేకపోతే అలా ఎందుకు చేస్తుంది: హీరో నిఖిల్

చైనాలో పుట్టిన మహమ్మారి కరోనా వైరస్ ప్రస్తుతం ప్రపంచాన్ని గడగడలాడిస్తోంది. లక్షలాది మంది వైరస్‌కు బలైపోతున్నారు. అయితే, ఈ వైరస్ చైనాలో ప్రమాదవశాత్తు పుట్టింది కాదని.. ఆ దేశం కావాలనే ఈ వైరస్‌ను పుట్టించి ప్రపంచ వ్యాప్తంగా బయోవార్‌కు తెరతీసిందని చాలా మంది వాదిస్తున్నారు. ఈ వైరస్‌ గురించి తెలిసే చైనా ముందు జాగ్రత్తలు తీసుకోవడం వల్ల అక్కడ మరణాలు తగ్గువగా సంభవించాయని.. అయితే, ఈ వైరస్ విషయంలో చైనా కుట్రపూరితంగా మిగిలిన దేశాలను అప్రమత్తం చేయలేదని ఎంతో మంది అంటున్నారు. తాజాగా వీరి ఖాతాలో హీరో నిఖిల్ సిద్ధార్థ చేరారు. ఈ కరోనా వైరస్ చైనాలోని ఒక ల్యాబ్ నుంచి లీక్ అయ్యి ఉండొచ్చని న్యూయార్క్ పోస్ట్ వార్తా వెబ్‌సైట్ ఒక కథనాన్ని ప్రచురించింది. ఈ కథనాన్ని ఒక నెటిజన్ ట్వీట్ చేస్తూ.. ‘‘చైనాలోని వుహాన్‌లో ఉన్న బయోలాబ్ నుంచి కరోనా వైరస్ వచ్చిందని ఆధారాలు బలపడుతున్నాయి. ప్రపంచ ఆరోగ్య సంస్థ, చైనా ఈ నిజాన్ని దాయాలని ప్రయత్నిస్తున్నాయి’’ అని పేర్కొన్నారు. ఈ ట్వీట్‌‌ను హీరో నిఖిల్ రీట్వీట్ చేస్తూ ఆ వాదనను సమర్థించారు. Also Read: ‘‘మొత్తానికి మనందరికీ తెలిసిన విషయాన్ని దాచిపెడుతున్నట్టు ఆధారాలు పెరుగుతున్నాయి. వుహాన్ నుంచి మిగిలిన చైనాలోని ప్రాంతాలకు ప్రయాణాలను తక్షణమే నిలిపివేస్తూ జనవరిలో చైనా నిర్ణయం తీసుకుంది. కానీ, వుహాన్ నుంచి అంతర్జాతీయ విమాన సర్వీసులను మాత్రం నిరంతరాయంగా నడిపింది. చైనా ఎందుకిలా చేసింది? వుహాన్ నుంచి మిగిలిన దేశాలకు ప్రజలు ప్రయాణించే సదుపాయం ఎందుకు కల్పించింది?’’ అని నిఖిల్ ప్రశ్నించారు. నిఖిల్ అడిగిన విషయాల్లో నిజం లేకపోలేదుకదా అనిపిస్తోంది. చైనా కావాలనే ఈ వైరస్‌ను వ్యాప్తిచేసిందా అనే అనుమానం కలుగుతోంది.

from https://ift.tt/2XGyiho