కరోనా వైరస్ను నిర్మూలించడానికి దేశ వ్యాప్తంగా 21 రోజుల పాటు లాక్డౌన్ విధించడంతో సెలబ్రిటీలంతా ఇళ్లకే పరిమితమయ్యారు. రోజూ షూటింగ్లు, ఫొటో షూట్లతో బిజీగా ఉండే తారలు ఇప్పుడు ఇంటిలోనే నాలుగు గోడల మధ్య ఉంటున్నారు. అయితే, ఇంట్లో ఉంటూనే తమ అభిమానులతో సోషల్ మీడియా ద్వారా టచ్లో ఉంటున్నారు. ఇంట్లో వర్కౌట్స్, యోగా వంటివి చేయడం.. వాటిని వీడియోలు, ఫొటోల రూపంలో ఇన్స్టాగ్రామ్ ద్వారా అభిమానులతో పంచుకోవడం చేస్తున్నారు. కొంత మంది సెలబ్రిటీలు అయితే ఆరోగ్య సూత్రాలను కూడా సూచిస్తున్నారు. మిల్కీ బ్యూటీ తమన్నా కూడా రోజూ ఇన్స్టాగ్రామ్ ద్వారా అభిమానులతో టచ్లో ఉంటున్నారు. కొంత ఎంటర్టైన్మెంట్ను అందిస్తున్నారు. అయితే, ఈ క్వారంటైన్ టైమ్లో తన చిన్ననాటి ఫొటో ఆల్బమ్ను బయటికి తీశారు తమన్నా. ఆ ఆల్బమ్లో తనను తాను చూసుకుని మురిసిపోయారు. మళ్లీ తన చిన్నతనంలోకి వెళ్లిపోయారు. అంతటితో ఆగకుండా ఆ ఆల్బమ్ను తన అభిమానులకు ఇన్స్టాగ్రామ్ ద్వారా చూపించారు. Also Read: ‘‘ఈరోజు పాత సామానులన్నీ సర్దుతుండగా నా చిన్ననాటి ఫొటోలతో కూడిన ఆల్బమ్ నా కంటపడింది. ఇక మిగిలిన సమయమంతా అందులోని ఫొటోలను చూస్తూ అప్పటి వెళకట్టలేని క్షణాలను గుర్తుకు తెచ్చుకున్నాను. మీలో కూడా చాలా మంది చిన్ననాటి ఫొటోలు నిజంగా చాలా క్యూట్గా ఉంటాయి కదా?’’ అని తమన్నా తన పోస్ట్లో పేర్కొన్నారు. తన ఆల్బమ్ను కెమెరాకు చూపిస్తూ రెండు వీడియోలు చేశారు తమన్నా. ఆ రెండు వీడియోలను ఇన్స్టాగ్రామ్ పోస్ట్లో పొందుపరిచారు.
from https://ift.tt/2UZTAnf
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment