ఓ మై గాడ్.. ఏడాది వరకూ థియేటర్స్ తెరుచుకోవా? సావు కబురు సల్లగా చెప్పింది

శుక్రవారం వచ్చిందంటే.. కొత్త సినిమాలతో థియేటర్స్ కళకళలాడేవి. బొమ్మ ఎలా ఉన్నా ప్రేక్షకులు థియేటర్స్‌కి క్యూ కట్టేవాళ్లు. ఈ కరోనా మహమ్మారి విజృంభనతో ప్రజలకు వినోదం కూడా లేకపోయింది. థియేటర్స్‌కి వెళ్లి సినిమా చూసే పరిస్థితి లేదు. లాక్ డౌన్‌తో షూటింగ్‌లు మొత్తం బంద్ అయ్యాయి.. వేలకోట్ల నష్టం జరిగింది. పనిలేక ఇండస్ట్రీలోని చాలా మంది కార్మికులు, కళాకారులు నానా ఇబ్బందులు పడుతున్నారు. అసలు తిరిగి థియేటర్స్ ఎప్పుడు తెరుస్తారు? షూటింగ్‌లు ఎప్పుడు మొదలౌతాయో చెప్పలేని పరిస్థితి. ఎందుకంటే ఈ మహమ్మారి అంతకంతకూ విజృంభిస్తుండటంతో పరిస్థితి అదుపులోకి వస్తుంది అని ఖచ్చితంగా చెప్పలేం. అయితే ఆల్రెడీ షూటింగ్‌లు కంప్లీట్ చేసుకుని విడుదలకు రెడీగా ఉన్న రెడ్, వి, 30 రోజుల్లో ప్రేమించడం ఎలా, ఉప్పెన, ఓరేయ్ బుజ్జిగా లాంటి చిత్రాలను థియేటర్స్‌లో విడుదల చేయలేక.. ఓటీటీ ఫ్లాట్‌ఫామ్స్‌లో రిలీజ్ చేసే ధైర్య చేయలేక నిర్మాతలు తలలు పట్టుకుంటున్నారు. ఈ తరుణంలో ఒకవేళ లాక్ డౌన్ ఎత్తివేసినా కూడా.. మరో ఏడాది వరకూ థియేటర్స్ బంద్ ఉన్నట్టే అంటున్నారు బాలీవుడ్ నటి, బ్రూస్ లీ-సర్దార్ గబ్బర్ సింగ్ ఫేమ్ . ప్రస్తుతం లాక్ డౌన్ నేపథ్యంలో ప్రేక్షకులు థియేటర్స్‌కి వెళ్లి సినిమాలు చేసే పరిస్థితి లేకపోవడంతో చాలా మంది అమెజాన్ ప్రైమ్‌, నెట్‌ఫ్లిక్స్‌, హాట్‌స్టార్‌, ఆహా, జీ 5 లాంటి ఓటీటీ ఫ్లాట్‌ఫామ్స్‌కి అలవాటు పడ్డారని.. భవిష్యత్‌లో థియేటర్స్ తెరుచుకున్నా ఇంట్లో ఉండి సినిమాలు చూడటానికి ప్రేక్షకులు ఇష్టపడతారంటున్నారు టిస్కా చోప్రా. ఓటీటీ ఫ్లాట్‌ఫామ్స్‌ ప్రేక్షకుల అభిరుచి తగ్గ కంటెంట్‌తో సామన్య, మధ్య తరగతి ప్రజలకు అందుబాటు ధరల్లో ఉంటున్నాయని.. థియేటర్‌కి వెళ్లి సినిమా చూడాలంటే ఖర్చుతో కూడుకున్న పని అని.. ఫ్యామిలీతో చూడాలంటే తడిచిమోపెడు అవుతున్న తరుణంలో చాలా మంది ఓటీటీ ఫ్లాట్‌ఫామ్స్‌‌పై మొగ్గు చూపిస్తున్నారనన్నారామె. ప్రస్తుతం కరోనా భయం ప్రజల్ని ఇప్పట్లో వదిలే పరిస్థితి లేదు. దీని ప్రభావం థియేటర్స్‌పై ఎక్కువగా ఉంటుంది. ఎందుకంటే ఇతర దేశాల్లో థియేటర్స్ తిరిగి ఓపెన్ చేసినా.. ప్రేక్షకులు ఎవరూ రావడం లేదు. వైర‌స్ వ్యాప్తి చెందే అవకాశం ఎక్కువ ఉందనే అభిప్రాయంలో ఉన్నారు. ఒక ఏడాది పాటు థియేటర్స్ పరిస్థితి దయనీయంగా ఉంటుంది. ఇలాంటి పరిస్థితుల్లో పెద్ద సినిమాల విడుదల కూడా ప్రశ్నార్ధకమే.. ప్రజలు కూడా మరో ఏడాది వరకూ థియేటర్స్‌కి వెళ్లడానికి ఇష్టపడరు’ అంటూ ఇన్ స్టాగ్రామ్‌లో వరుస పోస్ట్‌లు చేశారు టిస్కా చోప్రా.

from https://ift.tt/2VzypZt