హత్య చేసిన హీరో.. ఆ వెంటనే! ఆసక్తి రేపుతున్న మోహన్‌ దాస్ టీజర్

ఈ రోజుల్లో వాస్తవ కథ ఆధారంగా ద్వారా తెరకెక్కుతున్న సినిమాలకే ఎక్కువ డిమాండ్ ఉంది. దాన్ని క్యాచ్ చేసుకునేలా ఆసక్తికర కథాంశాలను ఎంచుకుంటూ వాస్తవ సంఘటనల ఆధారంగా సినిమాలు రూపొందిస్తున్నారు దర్శకనిర్మాతలు. అలా వస్తున్న కొత్త సినిమానే 'మోహన్‌ దాస్'. హీరోగా ఈ సినిమా ప్రేక్షకుల ముందుకు రాబోతోంది. తాజాగా చిత్ర టైటిల్ రివీల్ చేస్తూ.. టీజర్ విడుదల చేసి ప్రేక్షకుల్లో ఆసక్తి రేకెత్తించారు మేకర్స్. ఒక నిమిషం 20 సెకనుల నిడివితో కూడిన ఈ టీజర్‌లో కేవలం హీరో విష్ణు విశాల్ తప్ప ఇంకెవ్వరూ కనిపించలేదు. 'చెడు చూడకు, చెడు వినకు, చెడు మాట్లాడకు' అని చెప్పడానికి సింబాలిక్‌గా వాడే మూడు కోతిబొమ్మలను చూపిస్తూ ఈ టీజర్‌ని ఎంతో ఆసక్తికరంగా కట్ చేశారు. విష్ణు విశాల్ సుత్తెతో ఎవరినో చంపుతున్న సీన్ చూపిస్తూ సస్పెన్స్ క్రియేట్ చేశారు. హీరో చేతులన్నీ రక్తంతో తడిచిపోవడం, వెనకనుంచి ఎవరో వెకిలిగా నవ్వినట్లు వినిపిస్తుండటం చూస్తుంటే ఇది ఓ సైకాలజికల్ థ్రిల్లర్ మూవీ అని తెలుస్తోంది. 'ఈ రోజు మీరు ఏం చేతారో దానిపైనే మీ భవిష్యత్ ఆధారపడి ఉంటుంది' అని మహాత్మ గాంధీ చెప్పిన కొటేషన్ చూపిస్తూ స్టార్ట్ అయిన ఈ టీజర్ సినిమాపై అంచనాలు పెంచేసింది. హీరో విష్ణు విశాల్ ఈ సినిమా నిర్మాణంలో కూడా భాగమవుతుండటం విశేషం. విష్ణు విశాల్ స్టూడియోస్ బ్యానర్‌పై రూపొందుతున్న ఈ సినిమాకు ముర‌ళీ కార్తీక్ దర్శకత్వం వహిస్తున్నారు. కేఎస్ సుందర‌మూర్తి సంగీతం అందిస్తున్నారు. చిత్రానికి సంబంధించిన ఇత‌ర వివరాలు అతిత్వరలో ప్రకటించనున్నారు.

from https://ift.tt/2RxbcWp