కరోనా మహమ్మారి ప్రపంచాన్ని వణికిస్తోంది. ఈ వైరస్ నుంచి బయటపడటానికి ఎన్నో దేశాలు లాక్డౌన్ విధించాయి. ప్రజలు ఇళ్లలో నుంచి బయటికి రాకూడదని ఆదేశాలు జారీ చేశాయి. కరోనాను తరిమికొట్టాలంటే లాక్డౌన్ పాటించడం తప్పనిసరి అని ప్రజల్లో అవగాహన కలుగజేస్తున్నాయి. మన దేశంలోనూ 21 రోజులపాటు లాక్డౌన్ను ప్రజలు పాటించారు. పెరుగుతున్న పాజిటివ్ కేసుల దృష్ట్యా లాక్డౌన్ను మరో 19 రోజులపాటు పెంచారు ప్రధాని నరేంద్ర మోదీ. అయితే, ఈ లాక్డౌన్ను పకడ్బంధీగా అమలు చేయడానికి పోలీసులు రాత్రింబవళ్లు రోడ్లపై విధులు నిర్వర్తిస్తున్నారు. ప్రాణాలకు తెగించి మన కోసం పనిచేస్తున్నారు. పోలీసులు, వైద్య సిబ్బంది, పారిశుద్ధ్య కార్మికులు ఇలా ఈ లాక్డౌన్ సమయంలోనూ ప్రజల కోసం పనిచేస్తోన్నవారిపై ఇప్పటికే చాలా పాటలను విడుదల చేశారు. సైబరాబాద్ పోలీసులు, తెలంగాణ ప్రభుత్వం కూడా కొన్ని పాటలను విడుదల చేశాయి. అయితే, తాజాగా పోలీసులను కీర్తిస్తూ ప్రముఖ గాయకుడు, సంగీత దర్శకుడు రఘు కుంచె ఒక మంచి పాటను రికార్డ్ చేశారు. ఈ వీడియో సాంగ్ను తన యూట్యూబ్ ఛానెల్లో అప్లోడ్ చేశారు. ఈ పాటకు శ్రోతల నుంచి మంచి స్పందన వస్తోంది. ఈ పాటకు బండి సత్యం సాహిత్యం అందించారు. మ్యూజిక్, సింగర్, ఎడిటింగ్, వీడియో డైరెక్షన్ రఘు కుంచె. వీడియోలో పాట ప్రారంభవడానికి ముందు రఘు కుంచె ఒక మెసేజ్ కూడా రాశారు. ‘‘నేను హైదరాబాద్లో ఉంటాను. కరోనా మహమ్మారి ప్రబలుతున్న సమయంలో ఎవరి భయాలు వారికున్నట్టే నాకూ ఉన్నాయి. ఇంట్లో ఉంటూ నా జాగ్రత్తలు నేను తీసుకుంటున్నాను. కానీ అవసరాల కోసం బయటికొచ్చినప్పుడు, మనకోసం లాక్డౌన్ సమయంలో పనిచేస్తున్న పోలీసులను చూస్తే వారి మీద గౌరవం రెట్టింపు అవుతోంది. టీవీల్లో వాళ్లు చేస్తున్న కృషి గురించి, వాళ్లు తీసుకుంటున్న రిస్క్ గురించి, ప్రజల కోసం వాళ్లు పడుతున్న తపన చూస్తే చేతులెత్తి నమస్కారం పెట్టాలి అనిపిస్తోంది. అందుకే వారి కోసం ఈ పాట’’ అని రఘు పేర్కొన్నారు.
from https://ift.tt/2XMwFP5
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment