రామాయణానికి చెందిన చిన్న ప్రశ్నకు సమాధానం ఇవ్వలేక పరువు పోగొట్టుకున్నారు బాలీవుడ్ నటి . అమితాబ్ బచ్చన్ హోస్ట్ చేస్తున్న కౌన్ బనేగా కరోడ్‌పతి కార్యక్రమానికి వెళ్లిన సోనాక్షిని అమితాబ్ రామాయణానికి సంబంధించిన ఓ ప్రశ్నను అడిగారు. ‘రామాయణం ప్రకారం.. హనుమంతుడు ఎవరి కోసం సంజీవని తెచ్చాడు?’ అన్నది ప్రశ్న. ఇందుకు ఆప్షన్స్‌గా ఎ. సుగ్రీవుడు, బి. లక్ష్మణుడు సి. సీత, డి.రాముడు అని ఇచ్చారు. ఈ ప్రశ్నకు కరెక్ట్ సమాధానం లక్ష్మణుడు. కానీ సోనాక్షి దీనికి కూడా లైఫ్ లైన్ తీసుకున్నారు. ఈ చిన్న ప్రశ్నకు సమాధానం చెప్పలేకపోయినందుకు సోనాక్షి తల్లి పూనమ్‌తో పాటు అమితాబ్ కూడా షాకయ్యారు. ఎందుకంటే సోనాక్షి తండ్రి శత్రుఘ్న సిన్హా తన ఇంటికి రామాయణ అని పేరు పెట్టుకున్నారు. అంతేకాదు తన ఇద్దరు కుమారులకు సీతారాముల కుమారులైన లవకుశల పేర్లు పెట్టుకున్నారు. రాముడిని అంతగా కొలిచేవారి కుటుంబం నుంచి వచ్చిన సోనాక్షి రామాయణానికి సంబంధించిన ఈ చిన్న ప్రశ్నకు సమాధానం చెప్పకపోవడం ఆశ్చర్యమే. దాంతో నెటిజన్లు ‘sonakshi so dumb’ పేరిట హ్యాష్ ట్యాగ్‌ను ప్రారంభించి ఆమెను దారుణంగా ట్రోల్ చేశారు. తాజాగా ఈ విషయంపై ఉత్తర్ ప్రదేశ్‌కు చెందిన సునీల్ భరాలా అనే మంత్రి స్పందించారు. సోనాక్షి ఓ డబ్బు పశువు అని తిట్టిపోశారు. ఇలాంటి వారు కేవలం డబ్బుల కోసమే ఆలోచిస్తారు కానీ ఇలాంటి విషయాలు నేర్చుకోవడానికి అసలు శ్రద్ధ చూపరని ఆరోపించారు. ‘ఈ కాలంలో ఇలాంటి నటీ నటులు కేవలం డబ్బు కోసమే బతుకున్నారు. డబ్బు ఎలా సంపాదించాలా? ఎలా ఖర్చుపెట్టాలా అనే ఆలోచిస్తున్నారు. చరిత్ర గురించి దేవుళ్ల గురించి అసలు ఏమీ తెలీదు. నేర్చుకోవడానికి సమయం కూడా కేటాయించరు. ఇంతకంటే బాధాకరమైన విషయం మరొకటి ఉండదు’ అని మండిపడ్డారు. అయితే మంత్రి వ్యాఖ్యలపై సోనాక్షి ఇంకా స్పందించలేదు. తనను ట్రోల్ చేసిన నెటిజన్లకు సోనాక్షి ట్విటర్ ద్వారా బుద్ధి చెప్పారు. డియర్ ట్రోల్స్.. నాకు పైథాగరస్ థియరం, మర్చెంట్ ఆఫ్ వెనిస్, పీరియాడిక్ టేబుల్, క్రోనోలజీ ఆఫ్ ది మొఘల్ డైనాస్టీ వంటి విషయాల గురించి కూడా ఏమీ తెలీదు. కాబట్టి ప్లీజ్.. మీకు వేరే పని లేకపోయినా, లేదా మీరు ఖాళీగా ఉన్నా.. వీటిని ఉద్దేశిస్తూ కూడా నన్ను ట్రోల్ చేసి మీమ్స్ రూపొందించండి. ఎందుకంటే నాకు మీమ్స్ అంటే చాలా ఇష్టం’ అని ట్వీట్ చేశారు.
from https://ift.tt/2mLacBE
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment