బాలీవుడ్ మెగాస్టార్ అమితాబ్ బచ్చన్‌కు భారతీయ చిత్ర పరిశ్రమలో అత్యున్నత అవార్డుల్లో ఒకటైన దాదా సాహెబ్ ఫాల్కే పురస్కారం లభించింది. బాలీవుడ్‌లో మెగాస్టార్‌గా వెలుగొందుతూ ఏడు పదుల వయసులోనూ ప్రేక్షకుల్ని తన నటనతో మెప్పిస్తున్న అమితాబ్ బచ్చన్‌కి అత్యున్నత పురస్కారం రావడంతో ఆయన అభిమానులతో పాటు సెలబ్రిటీలు అభినందనలు తెలుపుతున్నారు. ఈ నేపథ్యంలో దర్శకుడు రామ్ గోపాల్ వర్మ కూడా తనదైన శైలిలో స్పందించారు. వర్మ ప్రశంసలు కూడా తిడుతున్నట్లుగానే ఉంటాయిన అనడానికి ఆయన సోషల్ మీడియాలో పెట్టిన ఈ పోస్ట్ మరో ఉదాహరణ. అమితాబ్‌కు ఫాల్కే అవార్డు వచ్చిందని యావత్ భారతదేశం శుభాకాంక్షలు చెబుతున్న నేపథ్యంలో వర్మ ఈ విధంగా పోస్ట్ పెట్టారు. ‘దాదా సాహెబ్ గురించి ఇంత గొప్పగా ఎందుకు ఫీలవుతున్నారో నాకు అర్థంకావడంలేదు. ఎందుకంటే.. లెజండరీ దర్శకుడు దాదా సాహెబ్ ఫాల్కే దర్శకత్వం వహించిన ‘రాజా హరిశ్చంద్ర’ సినిమాను ఎన్నిసార్లు చూసినా పది నిమిషాల్లో సినిమాను పూర్తిగా చూడలేకపోతున్నా. కానీ బచ్చన్ సర్ నటించిన ప్రతి సినిమాను పది కంటే ఎక్కువ సార్లు చూశాను. చెప్పాలంటే.. అమితాబ్‌కు దాదా సాహెబ్ ఫాల్కే కాదు.. దాదా సాహెబ్‌కే అవార్డు ఇవ్వాలి. గతంలో దాదా సాహెబ్ ఫాల్కే అవార్డు తీసుకున్న సెలబ్రిటీలు ఏ రకంగానూ బచ్చన్ సర్ కెపాసిటీకి సరితూగరు. కాబట్టి ఆయనకు దాదా సాహెబ్ ఫాల్కే రావడంపై, ఫాల్కే అవార్డ్ కమిటీ సభ్యులపై నేను ఏ మాత్రం ఇంప్రెస్ అవ్వలేదు. కమిటీ సభ్యులు ఇప్పటివరకు దాదా సాహెబ్ తీసిన ఒక్క సినిమా కూడా చూసి ఉండరు’ అంటూ తనదైన శైలిలో సెటైర్ వేశారు వర్మ. అమితాబ్ బచ్చన్‌కు వర్మకు మంచి అనుబంధం ఉంది. 2005లో వర్మ తెరకెక్కించిన ‘సర్కార్’ సినిమాలో అమితాబ్ ప్రధాన పాత్రలో నటించారు. ఆ తర్వాత 2006లో వర్మ తీసి ‘డర్నా జరూరీ హై’ సినిమాలోనూ బచ్చన్ ఉన్నారు. వీరిద్దరి కాంబినేషన్‌లో ‘నిశ్శబ్ద్’, ‘ఆగ్’, ‘సర్కార్ రాజ్’, ‘రణ్’, ‘డిపార్ట్‌మెంట్’, ‘సర్కార్ 3’ చిత్రాలు వచ్చాయి. ‘లక్ష్మీస్ ఎన్టీఆర్’ సినిమాతో తెలుగు రాష్ట్రాల్లో సంచలనం సృష్టించిన వర్మ ప్రస్తుతం ‘కమ్మ రాజ్యంలో కడప రెడ్లు’ అనే మరో వివాదాస్పద సినిమాను తెరకెక్కిస్తున్నారు.
from https://ift.tt/2lANLP8
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment