ఏడాది క్రితం ఫిలిం ఇండస్ట్రీలో క్యాస్టింగ్ కౌచ్ ఘటనలు వెల్లువెత్తాయి. ఒక్కొక్కరి బాగోతాలు బయటపడటం చిత్ర పరిశ్రమను షాక్‌కు గురిచేసింది. ఇప్పుడు ఆ సంఘటనలు కాస్త తగ్గుముఖం పట్టాయనే చెప్పాలి. తాజాగా తాను ఎదుర్కొ్న్న క్యాస్టింగ్ కౌచ్ గురించి బాలీవుడ్ నటి ఓ ఇంటర్వ్యూలో మాట్లాడారు. ఓ సినిమా చిత్రీకరణ సమయంలో ఓ దర్శకుడు తన శరీర భాగాలను చూడాలనుకున్నాడని, మరో దర్శకుడు తన తొడలు ఎలా ఉంటాయో చూడాలనుకుంటున్నానంటూ అసభ్యంగా ప్రవర్తించాడని షాకింగ్ విషయాన్ని వెల్లడించారు. అయితే ఆ దర్శకుల పేర్లను సుర్వీన్ బయటపెట్టలేదు. తన కెరీర్‌లో ఐదు సార్లు క్యాస్టింగ్ కౌచ్ సంఘటనలను ఎదుర్కొన్నానని మూడు సార్లు దక్షిణాదిలో రెండు సార్లు బాలీవుడ్‌లో లైంగిక వేధింపులను ఎదుర్కొన్నానని చెప్పారు. ‘అంతేకాదు ఓసారి ఆడిషన్‌కు వెళ్లినప్పుడు ఓ వ్యక్తి నువ్వు ఓవర్ వెయిట్ ఉన్నావ్ అన్నాడు. ఆ సమయంలో నా బరువు 56 కిలోలు. బహుశా అతను కళ్లజోడు పెట్టుకుని నన్ను సరిగ్గా చూడాల్సింది. నాకు టీవీ కెరీర్‌ కూడా అంత సులభంగా లేదు. నేను టీవీలో ఎక్కువగా కనిపించానని సినిమాల్లో పనికి రానని అన్నారు. నేను ఏడాది పాటు మాత్రమే టీవీలో నటించానని ఒక్కోసారి అబద్ధం చెప్పాల్సి వచ్చింది. కానీ ఇలా ఎందుకు అబద్ధాలు ఆడుతున్నాను అనిపించింది’ అని వెల్లడించారు సుర్వీన్. ‘కహీ తో హోగా’ అనే టీవీ సీరియల్‌తో సుర్వీన్ కెరీర్‌ను మొదలుపెట్టారు. ప్రముఖ క్రికెటర్ శ్రీశాంత్‌తో కలిసి ‘ఏక్ ఖిలాడీ ఏక్ హసీనా’ అనే రియాల్టీ డ్యాన్స్ షోలో కూడా పాల్గొన్నారు. 2009లో వచ్చిన ‘రాజు మహారాజు’ సినిమాతో తెలుగు ప్రేక్షకులకు పరిచయమయ్యారు. ఇందులో ఆమె శర్వానంద్‌కు జోడీగా నటించారు. సుర్వీన్ నటించిన చివరి చిత్రం 2017లో వచ్చిన ‘ఛురీ’. 2015లో సుర్వీన్ అక్షయ్ థక్కర్ అనే వ్యాపారవేత్తను వివాహం చేసుకున్నారు. పెళ్లయిన రెండేళ్ల తర్వాత తాను వివాహం చేసుకున్నానని సుర్వీన్ సోషల్ మీడియా ద్వారా వెల్లడించారు. సుర్వీన్, అక్షయ్ దంపతులకు ఓ బాబు ఉన్నాడు. దాంతో ఆమె పూర్తిగ సినిమాలకు దూరంగా ఉంటూ తన కుటుంబాన్ని చూసుకుంటున్నారు.
from https://ift.tt/2mg5qf6
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment