డిప్రెషన్తో చాలా బాధపడ్డానని ఒకప్పుడు తన అనుభవాలను మీడియా ముందు వెల్లడించారు బాలీవుడ్ నటి . స్టార్ క్రికెటర్ యువరాజ్ సింగ్ భార్య అయిన హాజెల్ బాలీవుడ్లో ‘బాడీగార్డ్’ సినిమాలో కరీనా కపూర్కు స్నేహితురాలి పాత్రలో నటించారు. కానీ తన కెరీర్కు ఈ సినిమా ఏమీ సాయపడేలేదు. దాంతో ఐటెం సాంగ్స్లో నటిస్తూ కెరీర్ను నెట్టుకొచ్చారు. ‘ఎవరైనా నువ్వు అందంగా లేవు, సెక్సీగా లేవు అన్నప్పుడు చాలా బాధేస్తుంది. మన ఆత్మస్థైర్యాన్ని కోల్పోతాం. నా విషయంలోనూ అదే జరిగిందో లేదో చెప్పలేను. నేను ఐదేళ్ల వయసున్నప్పటి నుంచి నటించడం మొదలుపెట్టాను. కానీ చిత్ర పరిశ్రమలో ఉంటే అందరి కళ్లూ మనమీదే ఉంటాయి. నీ ముఖం అందంగానే ఉంది కానీ కొన్ని బాడీపార్ట్స్కు ప్టాస్టిక్ సర్జరీ చేయించుకోవాలని చాలా మంది చెప్తుంటారు. పెళ్లంటే ఎంతో హార్డ్ వర్క్ చేయాల్సి ఉంటుంది. కానీ నేను ఊహించినదానికంటే ఎక్కువ ఉంటుందని అనుకోలేదు. ఓ స్టార్ క్రికెటర్ భార్యను కావడంతో చాలా మంది వచ్చి సెల్ఫీలు అడుగుతూ ఉంటారు. ఎక్కడికి వెళ్లినా ఫాలో అవుతుంటారు. నాకు ఈ ఫ్యాన్ ఫాలోయింగ్ కొత్తేం కాదు కానీ యువీని పెళ్లి చేసుకున్నాక ఇంకాస్త ఎక్కువైంది. కానీ నేను జీవితంలో చేసిన మంచి పని యువీని పెళ్లి చేసుకోవడమే’ అని వెల్లడించారు హాజెల్. బ్రిటన్కు చెందిన మోడల్ అయిన హాజెల్ 2007లో వచ్చిన తమిళ చిత్రం ‘బిల్లా’తో తన సినీ కెరీర్ను ప్రారంభించారు. ఆ తర్వాత తెలుగులో వచ్చిన ‘కిక్’, ‘కృష్ణం వందే జగద్గురుమ్’ సినిమాల్లో ఓ ఐటెం సాంగ్స్లో కన్పించారు. ఆ తర్వాత ‘బాడీగార్డ్’, ‘మాగ్జిమం’, ‘హీర్ అండ్ హీరో’, ‘ధరమ్ సంకట్’ చిత్రాల్లో నటించారు. హాజెల్ కెరీర్లో పెద్దగా చెప్పుకోదగ్గ సినిమాలు లేవు. హాజెల్ తన కెరీర్తో స్ట్రగుల్ అవుతున్న సమయంలో తన స్నేహితుల ద్వారా యువీ పరిచయమయ్యాడు. అలా 2011లో యువీ, హాజెల్ కలుసుకున్నారు. హాజెల్ నవ్వుకి యువీ ఫిదా అయిపోయాడట. ఆ తర్వాత హాజెల్తో మాట కలిపినా ఆమె పెద్దగా పట్టించుకోలేదు. అదే ఏడాదిలో యువీకి క్యాన్సర్ సోకింది. ఆ తర్వాత హాజెల్ని మర్చిపోవాలనుకున్నాడు. యువీకి క్యాన్సర్ తగ్గిన కొంతకాలం తర్వాత మళ్లీ హాజెల్ అతని జీవితంలోకి వచ్చింది. ఆ తర్వాత హాజెల్కు కూడా యువీ నచ్చడంతో ఇద్దరూ పెళ్లి చేసుకోవాలని నిర్ణయించుకున్నారు. అలా పెద్దలను ఒప్పించి ఇండోనేషియాలో హాజెల్ చేతికి ఉంగరం తొడిగాడు. ఆ తర్వాత 2018లో వీరి వివాహం అంగరంగ వైభవంగా జరిగింది. అయితే హాజెల్ పంజాబీ కుటుంబంలోకి కోడలిగా అడుగుపెట్టడంతో తన పేరును గుర్బసంత్ కౌర్గా మార్చుకున్నారు. అయినప్పటికీ అందరూ ఆమెను హాజెల్ అనే పిలుస్తున్నారు.
from https://ift.tt/2mTAtxt
No comments:
Post a Comment