'సైరా'తో ఎందుకు పోటీ?.. గోపీచంద్ ధైర్యం ఏంటి?

'సైరా' సినిమా రిలీజ్‌కి రెడీ అయ్యింది. ప్రీ రిలీజ్ ఫంక్షన్ కూడా అనుకున్నట్టే చాలా గ్రాండ్‌గా జరగడంతో భారీ బజ్‌తో ప్రేక్షకులముందుకు వచ్చేందుకు రెడీ అవుతుంది 'సైరా'. టాలీవుడ్‌లో ఏదైనా ఒక భారీ బడ్జెట్ సినిమా వస్తుంది అంటే ప్రొడ్యూసర్స్ మాట్లాడుకుని దానికి తగ్గట్టుగా డేట్స్ మార్చుకుంటుంటారు. రీసెంట్‌గా 'సాహో' సినిమా లేట్‌గా రిలీజ్ అవ్వడం వల్ల ముందే ఆ డేట్ లాక్ చేసుకున్న 'నానీస్ గ్యాంగ్ లీడర్' వెనక్కి వెళ్ళింది. అక్కడ 'గద్దలకొండ గణేష్‌'తో క్లాష్ రావడంతో మళ్ళీ అక్కడ వాళ్లిద్దరూ మాట్లాడుకుని వారం తేడాలో ప్రేక్షకులముందుకు వచ్చారు. గతంలో కూడా 'బాహుబలి' రీలీజ్ అవుతున్నప్పుడు కూడా ముందుగా ఆ డేట్‌కి మహేష్ 'శ్రీమంతుడు' సినిమా రిలీజ్ ఫిక్స్ అయ్యి ఉంది. కానీ 'బాహుబలి' గురించి 'శ్రీమంతుడు' సినిమాని పోస్ట్‌పోన్ చేసుకున్నారు. Also Read: ఒక్క పండగల టైమ్‌లో తప్పించి ఎప్పుడూ కూడా సినిమాలు పోటీపడి రిలీజ్ చెయ్యడం అనే పద్దతిని పూర్తిగా వదిలేస్తున్నారు. కానీ ఇప్పుడు మాత్రం విచిత్రంగా చాలా డేర్ చేస్తున్నాడు గోపీచంద్. అసలే ప్లాప్స్‌లో ఉన్న గోపీచంద్ ఇప్పుడు తమిళ్ డైరెక్టర్ తిరుతో కలిసి భారీ బడ్జెట్ తో 'చాణక్య' అనే స్పై థ్రిల్లర్ చేసాడు. అయితే ఆ షూటింగ్ మధ్యలో గోపీచంద్ కాలికి గాయం అవ్వడంతో చాలా రోజులు షూటింగ్ ఆగిపోయింది. ఇప్పుడు మాత్రం ఆ షూటింగ్ అంతా పూర్తి చేసి ప్రేక్షకులముందుకు తీసుకువచ్చేందుకు రెడీ అవుతున్నారు. అయితే ఆ సినిమాని అక్టోబర్ 5న రిలీజ్ చేస్తుండడం ఇక్కడ హైలైట్. Also Read: ఒక పక్క భారీ బడ్జెట్‌తో రూపొంది, ఆకాశాన్ని తాకే అంచనాలతో 'సైరా' అక్టోబర్ 2న పాన్ ఇండియా మూవీగా రిలీజ్ అవుతుంది. ఆ సినిమాకి కేవలం రెండురోజుల గ్యాప్‌లో అంటే అక్టోబర్ 5న ప్రేక్షకులముందుకు వస్తుంది 'చాణక్య'. ఈ సినిమా రిలీజ్ డేట్ ఇప్పుడు మారుస్తారు అనుకోవడానికి కూడా లేదు. ఆల్రెడీ అక్టోబర్ 4న ఓవర్సీస్ ప్రీమియర్స్ కూడా ఫిక్స్ చేశారు. అసలు చాణక్య రిలీజ్‌కి ఇప్పుడు ఎందుకు అంత తొందర అనేది ఎవ్వరికి అర్థం కావట్లేదు. A.K.ఎంటర్టైన్మెంట్స్ బ్యానర్ మీద రూపొందుతున్న 'సరిలేరు నీకెవ్వరు' సినిమా రిలీజ్‌కి ఇంకా చాలా టైమ్ ఉంది. Also Read: ఏ రకంగా చూసినా కూడా 'చాణక్య' రిలీజ్ వెనుక ఉన్న స్ట్రాటజీ ఏంటి అనేది తెలియట్లేదు. మెగామూవీతో క్లాష్ వల్ల చాణక్యకి వచ్చే లాభం ఏంటి అనేది కూడా అంతుపట్టట్లేదు. కనీసం మేకర్స్‌కి అయినా క్లారిటీ ఉంటే ఓకే అనుకుంటున్నారు మెగా ఫ్యాన్స్.

from https://ift.tt/2IkhJ23