నేను అసలు మా వారిని పట్టించుకోను.. ట్విటర్‌లో జెనీలియా దంపతుల ఫైటింగ్

ప్రతి మగాడి విజయం వెనక ఓ ఆడది ఉందంటారు. కానీ ప్రతి కోపిష్టి మహిళ వెనక ఓ భర్త ఉంటాడని అంటున్నారు బాలీవుడ్ నటుడు రితేశ్ దేశ్‌ముఖ్. నటి భర్త అయిన రితేశ్.. ట్విటర్‌లో ఓ ఫన్నీ పోస్ట్ పెట్టారు. ‘ఏం తప్పు చేశాడో కూడా తెలీకపోయినా ప్రతి కోపిష్టి మహిళ వెనక ఓ భర్త ఉంటాడు ’ అని రాసున్న మీమ్‌ను సోషల్ మీడియాలో పోస్ట్ చేస్తూ జెనీలియాను ట్యాగ్ చేశారు. మరి జెనీలియా ఊరుకుంటారా? ఆమెకు ఒళ్లు మండి తన భర్తను ఉద్దేశిస్తూ ఓ మీమ్ పోస్ట్ చేశారు. ‘నేను నా భర్తను చెప్పే మాటలను అస్సలు పట్టించుకోను. అతను మాట్లాడింది తప్పైతే తప్ప’ అని రాసున్న మీమ్‌తో తన భర్తకు కౌంటర్ వేశారు. అయితే ఈ ట్విటర్ ఫైట్‌ను ముందు మొదలుపెట్టింది రితేశే. వీరిద్దరూ ఇలా ఎందుకు మీమ్స్‌తో కొట్టుకున్నారో తెలీదు కానీ ఫ్యాన్స్‌కు మాత్రం మంచి టైం పాస్ అయింది. ‘లేడీస్‌‌ని ఏ విషయంలోనూ ఎవ్వరూ బీట్ చేయలేరు. ముఖ్యంగా భార్యలను’ అంటూ ఫన్నీ కామెంట్లు చేస్తున్నారు. అయితే జెనీలియా, రితేశ్‌ల సోషల్ మీడియా ఫైటింగ్ ఇక్కడితో ఆగలేదు. జెనీలియా ఇన్‌స్టాగ్రామ్‌లో మరో మీమ్‌ను షేర్ చేశారు. ‘నేను బేబీలా నిద్రపోవాలని అనుకోవడం లేదు. నా భర్తలా నిద్రపోవాలని అనుకుంటున్నాను’ అని పేర్కొంటూ రితేశ్‌ను ట్యాగ్ చేశారు. అయితే తన భార్యతో పోట్లాడి గెలవడం తన వల్ల కాదనుకున్నారో ఏమో రితేష్ మాత్రం ఈ మీమ్‌కు ఏమీ స్పందించకుండా మౌనంగా ఉండిపోయారు. ‘హ హ హాసిని’.. అంటూ యువత మనసు దోచుకున్నారు నటి జెనీలియా. ‘బాయ్స్’ సినిమాతో తెలుగు ఇండస్ట్రీలోకి ఎంట్రీ ఇచ్చి ‘సై’, ‘హ్యాపీ’, ‘బొమ్మరిల్లు’, ‘ఢీ’, ‘రెడీ’ వంటి ఎన్నో విజయవంతమైన సినిమాల్లో నటించారు. ముఖ్యంగా ‘బొమ్మరిల్లు’ సినిమా జెనీలియా కెరీర్‌లో ల్యాండ్ మార్క్‌గా నిలిచిపోయింది. హాసిని అన్న పేరు వినగానే బొమ్మరిల్లు సినిమాలో జెనీలియా పాత్ర గుర్తుకొచ్చి నవ్వుకునే ప్రేక్షకులు ఎందరో. సినిమా అవకాశాలు పెద్దగా రావడంలేని సమయంలో జెనీలియా.. బాలీవుడ్ నటుడు రితేశ్ దేశ్‌ముఖ్‌ను 2012లో వివాహం చేసుకున్నారు. వీరిది ప్రేమ వివాహం. ఇద్దరు కుమారులు ఉన్నారు. అయితే ఎటూ తన ఇద్దరు కుమారులు స్కూల్‌కి వెళుతుండడంతో జెనీలియాకు కాస్త సమయం దొరికింది. దాంతో తన సెకెండ్ ఇన్నింగ్స్‌ను ప్రారంభించాలని అనుకుంటున్నారు. ఈ విషయాన్ని ఓ ఇంటర్వ్యూలో వెల్లడించారు. ‘నా జీవితంలో ఎన్నో అనుభవాలను రుచిచూశాను. ఒకప్పుడు సినిమాలే జీవితంగా బతికాను. ఆ తర్వాత మంచి భార్యను, తల్లిని అయ్యాను ఇప్పుడు నా కెరీర్‌ను మళ్లీ ప్రారంభించాలని అనుకుంటున్నాను. స్క్రిప్ట్స్‌ కూడా వింటున్నాను. నా జీవితంలో జరిగిన గొప్ప విషయం ఏదన్నా ఉందంటే అది తల్లి కావడమే. నా కుమారులు రియాన్, రహిల్ నా జీవితాన్ని పర్‌ఫెక్ట్‌గా మార్చారు. వయసు అనేది కేవలం ఓ నెంబర్ మాత్రమే. వయసవడం కూడా ఒకందుకు మంచిదే’ అని వెల్లడించారు జెనీలియా. మరి ఈ హాసిని తెలుగు ప్రేక్షకులనూ మరోసారి పలకరిస్తుందో లేదో చూడాలి.

from https://ift.tt/30iISxi