ఒక జన్మ సరిపోక 600 ఏళ్ల తర్వాత మళ్లీ పుడితే? ఇలాంటి కాన్సెప్ట్తో ఆల్రెడీ ‘మగధీర’, ‘మెహబూబా’ వంటి సినిమాలు చాలానే వచ్చాయి కదా.. అంటారా? నిజమే కానీ.. ఈ సినిమాలో అంతకుమించిన కంటెంట్, ఫన్ ఉంటాయని అంటున్నారు బాలీవుడ్ నటుడు అక్షయ్ కుమార్. ఆయన ప్రధాన పాత్రలో నటించిన చిత్రం ‘హౌస్ఫుల్ 4’. ఫర్హాద్ సంఝీ దర్శకత్వం వహించారు. ఇందులో రితేశ్ దేశ్ముఖ్, బాబీ డియోల్ మరో ఇద్దరు కథానాయకులుగా నటిస్తున్నారు. అక్షయ్ కుమార్కు జోడీగా కృతిసనన్, రితేశ్ దేశ్ముఖ్కు జోడీగా పూజా హెగ్డే, బాబీ డియోల్కు జోడీగా కృతి కర్బంద నటించారు. ఈ సినిమాలోని ఒక్కో పాత్రకు సంబంధించిన ఫస్ట్లుక్స్ విడుదలయ్యాయి. మొదట అక్షయ్ కుమార్ పాత్రతో మొదలుపెడదాం. ఆయన సినిమాలో రాజకుమారుడు బాలా, హ్యారీ పాత్రల్లో నటించారు. 1419కి చెందిన రాజకుమారుడు బాలా.. 600 ఏళ్ల తర్వాత లండన్ నుంచి హ్యారీగా తిరిగి వస్తాడు. రెండో పాత్ర అక్షయ్కు జోడీగా నటించిన కృతి సనన్. సినిమాలో ఆమె సీతమ్గఢ్ రాజకుమారి మధు పాత్రలో లండన్కు చెందిన కృతి పాత్రలో కన్పిస్తారు. రాజకుమారి గెటప్లో కృతి చాలా అందంగా కనిపించారు. మూడో పాత్ర రితేశ్ దేశ్ముఖ్. ఆయన 1419కి చెందిన బంగ్డు అనే నాట్యకారుడి పాత్రతో పాటు రాయ్ అనే పాత్రలోనూ కనిపిస్తారు. ఈయనకు జోడీగా పూజా హెగ్డే నటించారు. ఆమె పాత్ర పేరు రాజకుమారి మాలా. 600 తర్వాత మళ్లీ పూజ పేరుతో పుడతారు. ఈ సినిమాలో మరో హీరో కూడా ఉన్నారు. ఆయనే బాబీ డియోల్. ఆయన పాత్ర పేరు ధర్మపుత్ర. ఆ తర్వాత ధరమ్ పేరుతో పుడతాడు. ఈయనకు జంటగా కృతి కర్బంద నటించారు. ఇందులో ఆమె పాత్ర పేరు రాజకుమారి మీన. ఆ తర్వాత నేహాగా పుడతారు. ఇలా ఒక జన్మ సరిపోక 600 ఏళ్ల తర్వాత పుట్టి ఏం చేశారో తెలియాలంటే ‘హౌస్ఫుల్ 4’ చూడాల్సిందే. హౌస్ఫుల్ ఫ్రాంచైస్లో రాబోతున్న నాలుగో చిత్రమిది. అంతకుముందు వచ్చిన మూడు సినిమాలు బాక్సాఫీస్ వద్ద బ్లాక్ బస్టర్ విజయాలు అందుకున్నాయి. రేపు సినిమా ట్రైలర్ను విడుదల చేయనున్నారు. పునర్జమ్మల నేపథ్యంలో 1419, 2019 మధ్య కాలంలో సాగే ఈ కథలో బోలెడన్ని వినోదాలు ఉంటాయని చిత్రబృందం అంటోంది. దీపావళి కానుకగా సినిమాను ప్రేక్షకుల ముందుకు తీసుకురానున్నారు.
from https://ift.tt/2litbDe
No comments:
Post a Comment