బెల్లంకొండ సినిమాలో రేణు దేశాయ్.. హైదరాబాద్‌కు మకాం మారుస్తున్న నటి!

సెకండ్ ఇన్నింగ్స్‌ను మరాఠ సినీ పరిశ్రమలో మొదలుపెట్టిన సంగతి తెలిసిందే. పూరి జగన్నాథ్ తొలి చిత్రం ‘బద్రి’తో తెలుగు ప్రేక్షకులకు పరిచయమైన ఈ మరాఠ అమ్మాయి.. ఆ సినిమా హీరో పవన్ కళ్యాణ్‌తో ప్రేమలో పడ్డారు. ఆ తరవాత వీరిద్దరూ వివాహం చేసుకున్నారు. ఇద్దరు పిల్లలు పుట్టిన తరవాత వీరు విడాకులు తీసుకున్న సంగతి తెలిసిందే. పవన్ కళ్యాణ్ నుంచి విడిపోయిన తరవాత రేణు తన సొంతూరు పుణే వెళ్లిపోయారు. అక్కడే ఉంటూ దర్శకురాలిగా సెకండ్ ఇన్నింగ్స్ మొదలుపెట్టారు. అప్పుడప్పుడు హైదరాబాద్ వస్తూ వెళ్తూ ఉంటున్నారు. ఇక్కడ టీవీ షోలో న్యాయనిర్ణేతగానూ వ్యవహరించారు. అయితే, ఇప్పుడు మళ్లీ ఆమె తెలుగు సినీ పరిశ్రమలోకి అడుగుపెట్టబోతున్నట్లు సమాచారం. తాజాగా స్నేహితుల దినోత్సవం సందర్భంగా రేణు దేశాయ్ ఇచ్చిన ప్రత్యేక ఇంటర్వ్యూలో ఆమె పలు ఆసక్తికర విషయాలు వెల్లడించారు. త్వరలోనే తాను హైదరాబాద్‌కు మకాం మారుస్తున్నట్లు చెప్పుకొచ్చారు. రైతుల సమస్యలపై తాను ఒక తెలుగు సినిమా చేయబోతున్నానని, దీని గురించి నిర్మాతలతో చర్చలు జరుగుతున్నాయని రేణు వెల్లడించారు. ఈ సినిమా పనుల కోసం తాను హైదరాబాద్‌లోనే ఉండాల్సి వస్తోందని చెప్పారు. ప్రతిసారి పుణే నుంచి ఇక్కడికి రావడం కష్టంగా ఉందని అందుకే హైదరాబాద్‌కు మకాం మార్చేస్తున్నానని వివరించారు. ఈ సినిమా కోసం రేణు దేశాయ్ ఏడాది పాటు హైదరాబాద్‌లోనే ఉంటారట. ఇదిలా ఉంటే, రేణు కేవలం దర్శకురాలిగానే కాకుండా మళ్లీ నటిగానూ మారబోతున్నారని టాక్. స్టువర్ట్‌పురం గజదొంగ టైగర్ నాగేశ్వరరావు జీవితం ఆధారంగా తెరకెక్కనున్న చిత్రం ద్వారా రేణు తెలుగు సినిమాల్లోకి నటిగా రీఎంట్రీ ఇవ్వబోతున్నారని సమాచారం. ఈ సినిమాలో బెల్లంకొండ సాయి శ్రీనివాస్ హీరోగా నటిస్తుండగా.. ‘దొంగాట’ డైరెక్టర్ వంశీ కృష్ణ ఈ చిత్రాన్ని తెరకెక్కించనున్నారు. ఈ చిత్రంలో ఒక ముఖ్య పాత్రలో నటించడానికి రేణు దేశాయ్‌ను దర్శకుడు సంప్రదించారట. ఈ విషయాన్ని ఈ సినిమాకు మాటలు రాస్తోన్న సాయి మాధవ్ బుర్రా ఇటీవల వెల్లడించారు. కానీ, ఈ పాత్రపై రేణు అంత ఆసక్తిగా లేనట్టు తెలుస్తోంది. ఈ ఆఫర్‌ను ఆమె తిరస్కరించారనే వార్తలు కూడా వినిపిస్తున్నాయి.

from https://ift.tt/33h6cJG