ఆంధ్రప్రదేశ్ ముఖ్యమంత్రి మోహన్ రెడ్డి స్పూర్తితో తాను పాలిటిక్స్లోకి వచ్చానన్నారు అమరావతి (మహారాష్ట్ర) ఎంపీ, హీరోయిన్ . నిత్యం ప్రజలతో ఉంటూ అనేక కష్టనష్టాలను తట్టుకుని ముఖ్యమంత్రి అయిన జగన్ తనకు ఇన్స్స్పిరేషన్ అన్నారు నవనీత్ కౌర్. ఇండిపెండెంట్గా యాభైవేల మెజారిటీతో గెలిచి పార్లమెంట్లో అడుగుపెట్టిన నవనీత్ కౌర్.. ఇటీవల జరిగిన పార్లమెంట్ సమావేశాల్లో తొలిసారి ఎంపీగా ఎన్నికైనప్పటికీ తన వాయిస్ గట్టిగా వినిపించారు. తన ప్రాతినిధ్యం వహిస్తున్న ప్రాంతం గురించి నాలుగు ప్రశ్నలను పార్లమెంట్లో లేవనెత్తి.. అందరి దృష్టిని ఆకర్షించారు. తాను ఇప్పుడు ఎంపీ అయినప్పటికీ నవనీత్ కౌర్ అనే పేరు ప్రపంచానికి తెలిసేలా చేసింది తెలుగు ప్రజలే అని.. హీరోయిన్గా తనను ఆదరించిన తెలుగువారితో ఉన్న అనుబంధాన్ని గుర్తు చేసుకున్నారు నవనీత్ కౌర్. ఓ మీడియా ఛానల్కి ఇచ్చిన ప్రత్యేక ఇంటర్వ్యూలో పలు ఆసక్తికరమైన విషయాలను తెలియజేశారు. నవనీత్ కౌర్ మాట్లాడుతూ.. ‘నేను రాజకీయాల్లోకి వెళ్లడం.. దేశం తరుపున లోక్ సభలో మాట్లాడటం అదృష్టంగా భావిస్తున్నారు. నేను తెలుగు సినిమాల్లో పనిచేసి ఉండటం వల్ల.. ఎంపీగా గెలిచిన తరువాత లోక్ సభలో అడుగుపెట్టి తెలుగు వాళ్లు ఎవరున్నారు? ఆంధ్ర వాళ్లు ఎవరు ఉన్నారు అని చూసుకున్నా. ఇక్కడ ప్రజల సమస్యలు ఏంటన్న దానిపై అవగాహన ఉంది. నాకు మహారాష్ట్ర అంటే ఇష్టమే కాని.. ఆంధ్ర అంటే ప్రాణం. ఆంధ్ర తెలంగాణ అంటే ప్రాణం. ఎందుకంటే నేను నా కెరియర్ని హీరోయిన్గా ఆంధ్ర నుండి ప్రారంభించాను. అప్పుడు ఆంధ్రనే. ఇప్పుడు రెండు ప్రాంతాలుగా విడిపోయింది కాని.. నవనీత్ కౌర్ ఎవరన్నదాన్ని ప్రపంచానికి తెలిసేలా చేసింది ఆంధ్రనే. నా పేరు ఎవరికీ తెలియని సందర్భంలో ఆంధ్ర జనం.. నాకు పేరుతో పాటు ఫేమ్ ఇచ్చారు. అంతకు మించి మంచి స్టేటస్ ఇచ్చారు. నేను ఆర్మీ బ్యాగ్రౌండ్ ఉన్న ఫ్యామిలీ నుండి సినిమాల్లోకి వచ్చాను. అది అనుకోకుండా అలా అయిపోయింది. నేను ఎనిమిదేళ్ల వయసులో ఉన్నప్పుడే సినిమాలు స్టార్ట్ చేశాను. అది కెరియర్ అయిపోయింది. ఇక నా భర్త రవిరాణా ద్వారానే రాజకీయాలపై ఇష్టం ఏర్పడింది. నాకు అసలు రాజకీయాలు అంటే ఏంటో కూడా తెలియదు. మహారాష్ట్రలో యంగెస్ట్ ఎమ్మెల్యేగా ఉన్న రవి రాణాను ప్రేమించి పెళ్లి చేసుకున్న తరువాత నాకు రాజకీయాలపై ఆసక్తి ఏర్పడింది. ఆయనతో పాటు ప్రజల్లోకి వెళ్లినప్పుడు వాళ్లకోసం ఏదైనా చేయాలని అనిపించింది. వాళ్లు కూడా నేను పాలిటిక్స్ లోకి రావాలని కోరుకోవడంతో 2014లో ఎంపీగా పోటీ చేశాను. అయితే తొలిసారి పోటీ చేసినప్పుడు నేను ఓడిపోయా. నా ఫొటోలకు కొన్ని మార్ఫింగ్ చేసి నాపై నెగిటివ్ ప్రచారం చేశారు. హీరోయిన్గా చేసిన ఆమె మీకు ఎంపీగా కావాలా? అలాంటి డాన్స్లు మీకు కావాలా? అంటూ నాపై చాలా కామెంట్స్ చేశారు. నేను ఓడిపోయిన తరువాత వెనక్కి తగ్గలేదు. అదే నియోజకవర్గంలో ఇండిపెండెంట్గా పోటీ చేసి యాభైవేల మెజారిటీతో గెలిచా. ఒక ఎంపీగా గెలిచిన తరువాత ప్రజలకు రెస్పాన్సిబిలిటీగా ఉండాలి. అందుకే నేను లోక్ సభలో అడుగుపెట్టిన పది రోజుల్లో నాలుగు ప్రశ్నలు లేవనెత్తాను. చాలామంది మీరు ఫస్ట్ టైం ఎంపీనే కదా అని అడుగున్నారు. ఆంధ్ర సీఎం జగన్ మోహన్ రెడ్డి నాకు స్పూర్తి.. ఆంధ్ర ప్రదేశ్ సీఎంగా ఎన్నికైన జగన్ మోహన్ రెడ్డి నాకు స్పూర్తి. నేను చాలాకాలంగా జగన్ మోహన్ రెడ్డిని ఫాలో అవుతున్నాను. పాదయాత్రలు, సభలు నిర్వహిస్తూ నిరంతరం ప్రజలతో మమేకం అవుతూ ఆయన తండ్రి రాజశేఖర్ రెడ్డిలాగే ప్రజలతోనే ఉన్నారు. హీరోయిన్గా నన్ను ఆదరించిన తెలుగు ప్రజలకు లోక్ సభలో నాకు చేతనైన సాయం చేసే అవకాశం వస్తే తప్పకుండా మద్దతిస్తా అన్నారు నవనీత్ కౌర్.
from https://ift.tt/2XnrIgK
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment