‘డియర్ కామ్రేడ్’ ట్విట్టర్ రివ్యూ: సూపర్ హిట్ కానీ..!

సెన్సేషనల్ స్టార్ , కన్నడ బ్యూటీ మరోసారి జంటగా నటించిన చిత్రం ‘డియర్ కామ్రేడ్’. ఈ చిత్రం ద్వారా భరత్ కమ్మ దర్శకుడిగా పరిచయమవుతున్నారు. కన్నడ సంగీత దర్శకుడు జస్టిన్ ప్రభాకరన్ ఈ చిత్రం ద్వారా టాలీవుడ్‌లోకి అడుగుపెట్టారు. మైత్రీ మూవీమేక‌ర్స్, బిగ్ బెన్ సినిమాస్ ప‌తాకాల‌పై న‌వీన్ ఎర్నేని, య‌ల‌మంచిలి ర‌విశంక‌ర్‌, మోహ‌న్ చెరుకూరి(సి.వి.ఎం), య‌శ్ రంగినేని ఈ చిత్రాన్ని నిర్మించారు. ఈ చిత్ర నిర్మాణానికి ఏడాదికిపైగా సమయం పట్టింది. అయినప్పటికీ విజయ్‌కు ఉన్న క్రేజ్‌తో సినిమాపై భారీ అంచనాలు ఏర్పడ్డాయి. విజయ్, రష్మిక రెండోసారి కలిసి నటించడం.. టీజర్, ట్రైలర్, పాటలు అద్భుతంగా ఉండటంతో సినిమా ఎప్పుడొప్పుడు వస్తుందా అని అభిమానులు ఆసక్తిగా ఎదురుచూశారు. మొత్తానికి ఆ రోజు వచ్చేసింది. శుక్రవారం (జూలై 26న) ఈ చిత్రం ప్రపంచ వ్యాప్తంగా నాలుగు భాషల్లో (తెలుగు, తమిళం, మలయాళం, కన్నడ) ఒకేసారి విడుదలైంది. అమెరికాలోనూ భారీ ఎత్తున ప్రీమియర్ షోలను ప్రదర్శిస్తున్నారు. ఇప్పటికే అక్కడ సినిమా చూసినవాళ్లు ట్విట్టర్ ద్వారా తమ అభిప్రాయాన్ని వెల్లడిస్తున్నారు. సినిమా చాలా బాగుందని అంటున్నారు. విజయ్ దేవరకొండ, రష్మిక మందన నటన సినిమాకు ప్రధాన బలమని.. వెండితెరపై వీళ్లిద్దరి కెమిస్ట్రీ అద్భుతంగా పండిందని కొనియాడుతున్నారు. దర్శకుడు భరత్ కమ్మ తొలిచిత్రంతోనే ఆకట్టుకున్నారట. నెరేషన్ చాలా బాగా చేశారని అంటున్నారు. కాకపోతే, ఆ నెరేషన్ చాలా నెమ్మదిగా సాగిందని అభిప్రాయపడుతున్నారు. ఫస్టాఫ్ అద్భుతంగా ఉందని, సెకండాఫ్ సాగదీసినట్టు ఉందని ట్వీట్లు చేస్తున్నారు. సినిమా మరీ కమర్షియల్ రేంజ్‌లో లేదని.. కానీ, ప్రతి ఒక్కరికి కచ్చితంగా నచ్చుతుందని మరికొందరు అభిప్రాయపడ్డారు. ఒక్కసారి చూడదగిన సినిమా అంటూ కొందరు వెల్లడించారు. సినిమా సూపర్ హిట్ అని, అందులో తిరుగేలేదని కొందరు ట్వీట్లు చేస్తు్న్నారు. ‘కడలల్లే’ పాట అయితే ప్యూర్ గోల్డ్ అంటూ కొనియాడుతున్నారు. ట్విస్టులు, సర్‌ప్రైజ్‌లు లేకపోవడం, కాస్త స్లోగా, లెంగ్తీగా ఉండటం తప్ప సినిమాకు పెద్దగా మైనస్‌లు లేవని చెబుతున్నారు. జస్టిన్ ప్రభాకరన్ పాటలు, నేపథ్య సంగీతం చాలా బాగున్నాయని టాక్. మొత్తంగా చూసుకుంటే విజయ్ దేవరకొండ మరో హిట్ కొట్టేసినట్టే. సినిమా కాస్త స్లోగా ఉన్నా.. విజయ్, రష్మిక పెర్ఫార్మెన్స్‌ల ముందు అది పెద్దగా కనిపించదు.

from https://ift.tt/2LIENen