వి.వి.వినాయక్.. తెలుగు ప్రేక్షకులకు పరిచయం అవసరంలేని పేరు. ‘ఆది’ సినిమాతో బాక్సాఫీసును షేక్ చేసిన ఈ కమర్షియల్ దర్శకుడు అనతికాలంలోనే స్టార్ డైరెక్టర్గా ఎదిగారు. ఇంచుమించుగా టాలీవుడ్లోని బిగ్ స్టార్స్ అందరితోనూ ఈయన సినిమాలు చేశారు. హీరోయిజాన్ని చూపించడంలో వినాయక్ను మించినవారు లేరు అనేలా సినిమాలు తీశారు. ఇన్నాళ్లూ దర్శకుడిగా తెలుగు ప్రేక్షకులను అలరించిన వినాయక్.. ఇప్పుడు దిల్ రాజు నిర్మిస్తోన్న సినిమాలో లీడ్ రోల్ పోషించబోతున్నారు. ఈ విషయాన్ని దిల్ రాజు స్వయంగా ఆ మధ్య తిరుపతిలో ప్రకటించారు. అంటే, వినాయక్ను దిల్ రాజు హీరోగా పరిచయం చేయబోతున్నారు. దర్శకుడిగా ఉన్నప్పుడు కాస్త ఒళ్లుచేసి బొద్దుగా ఉన్న వినాయక్.. ఇప్పుడు హీరో పాత్ర కోసం బరువు తగ్గుతున్నారు. జిమ్లో కష్టపడి కండలు కరిగిస్తున్నారు. ఆయన జిమ్లో తీసుకున్న ఫొటో ఒకటి తాజాగా సోషల్ మీడియాలో వైరల్గా మారింది. ఈ ఫొటోలో వినాయక్ చాలా స్లిమ్గా కనిపిస్తున్నారు. స్టన్నింగ్ లుక్తో ఆకట్టుకుంటున్నారు. బొద్దుగా కళ్లకు కూలింగ్ గ్లాసస్ పెట్టుకుని కనిపించే వినాయక్ ఒక్కసారిగా స్లిమ్ బాడీతో దర్శనమివ్వడంతో సినీ ప్రేమికులు వారెవ్వా భలే ఉన్నాడే అంటున్నారు. ఇదిలా ఉంటే, వినాయక్కు నటన కొత్తేమీకాదు. గతంలో ఆయన దర్శకత్వం వహించిన ‘ఠాగూర్’ సినిమాలో చిన్న పాత్ర చేశారు. ఆ తరవాత కూడా తన దర్శకత్వంలో వచ్చిన చాలా సినిమాల్లో వినాయక్ మెరిశారు. ఇప్పుడు పూర్తిస్థాయిలో తానే ప్రధాన పాత్రలో నటించనున్నారు. దర్శకుడు శంకర్ వద్ద సహాయ దర్శకుడిగా పనిచేసిన ఎన్. నరసింహారావు ఈ చిత్రానికి దర్శకత్వం వహించనున్నారు. శ్రీవెంకటేశ్వర క్రియేషన్స్ పతాకంపై దిల్ రాజు నిర్మిస్తారు.
from https://ift.tt/2SfU3zy
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment