RRR నుంచి మరో వీడియో.. ఫ్యాన్స్‌కు పండగే!

యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ హీరోలుగా ఎస్.ఎస్.రాజమౌళి దర్శకత్వంలో తెరకెక్కుతోన్న భారీ మల్టీస్టారర్ ‘RRR’ (రౌద్రం రుధిరం రణం). పాన్ ఇండియా మూవీగా రూపుదిద్దుకుంటోన్న ఈ చిత్రాన్ని తెలుగులోపాటు హిందీ, తమిళం, కన్నడ, మలయాళ భాషల్లో విడుదల చేస్తోన్న సంగతి తెలిసిందే. అత్యంత భారీగా తెరకెక్కిస్తోన్న ఈ సినిమాలో తారాగణం కూడా అంతే భారీగా ఉంది. బాలీవుడ్ స్టార్ హీరో అజయ్ దేవగణ్ ఈ చిత్రంలో కీలకపాత్ర పోషిస్తున్నారు. బాలీవుడ్ హీరోయిన్ ఆలియా భట్.. చరణ్ సరసన హీరోయిన్‌గా నటిస్తోంది. బ్రిటిష్ నటి ఒలివియా మోరిస్‌ను ఎన్టీఆర్‌కు జతగా తీసుకున్నారు. ఈ సినిమాలో అల్లూరి సీతారామరాజుగా రామ్ చరణ్, కొమరం భీమ్‌గా ఎన్టీఆర్ నటిస్తోన్న సంగతి తెలిసిందే. ఇటీవలే ఈ చిత్ర టైటిల్ లోగోను, మోస్టర్ పోస్టర్‌ను విడుదల చేశారు. దీనికి ప్రేక్షకుల నుంచి మంచి స్పందన వచ్చింది. ఆ తరవాత రామ్ చరణ్ పుట్టినరోజు సందర్భంగా ప్రత్యేక వీడియోను విడుదల చేశారు. ఈ ఒక్క వీడియో సినిమా అంచనాలను రెట్టింపు చేసింది. ఈ వీడియో ద్వారా అల్లూరి సీతారామరాజు పాత్రను పరిచయం చేశారు. ఈ పాత్రలో రామ్ చరణ్ మేనరిజం అద్భుతమనే చెప్పాలి. ఇక ఈ పాత్రను ఎన్టీఆర్ గొంతుతో పరిచయం చేయించారు. తెలంగాణ యాసలో కొమరం భీమ్‌గా తన అన్న అల్లూరి సీతారామరాజును ఎన్టీఆర్ పరిచయం చేశారు. Also Read: ఇప్పుడు ఈ సినిమా నుంచి మరో ప్రత్యేక వీడియోను విడుదల చేయడానికి సన్నాహాలు చేస్తున్నారు. వాస్తవానికి ఈ వీడియో ఈరోజే (ఏప్రిల్ 2న) విడుదల కావాల్సి ఉంది. కానీ, ప్రస్తుతం ఉన్న క్లిష్ట పరిస్థితుల కారణంగా వీడియోను విడుదల చేయలేకపోతున్నామని, లాక్‌డౌన్ పూర్తికాగానే వీడియోను తీసుకొస్తామని చిత్ర యూనిట్ ప్రకటించింది. నేడు అజయ్ దేవగణ్ పుట్టినరోజు సందర్భంగా ట్విట్టర్ ద్వారా ఈ ప్రకటన చేసింది. ‘‘గొప్ప మనసు కలిగిన అజయ్ దేవగణ్‌కు పుట్టినరోజు శుభాకాంక్షలు. RRR మూవీ టీమ్‌లో మీరు భాగం కావడం గొప్ప గౌరవం. ఫస్ట్‌ షెడ్యూల్‌లో మీతో కలిసి పనిచేయడం మరిచిపోలేని అనుభవం. మీరు కూడా అలాంటి అనుభూతినే పొందినట్టు ఆశిస్తున్నాం. అజయ్ దేవగణ్ పుట్టినరోజు సందర్భంగా ఆయన ఫస్ట్‌లుక్, వీడియో విడుదల చేయాలని భావించాం. కానీ ప్రస్తుత క్లిష్ట పరిస్థితుల వల్ల మ్యూజిక్, డీఐ పనులు పూర్తిచేయలేకపోయాం. లాక్‌డౌన్ సమయం పూర్తికాగానే మిమ్మల్ని అప్‌డేట్స్‌తో ఎంగేజ్ చేస్తాం’’ అని RRR మూవీ టీమ్ ట్విట్టర్‌లో పేర్కొంది.

from https://ift.tt/2UByA7a