RRR కథ చెప్పేసిన నాగబాబు! నా డౌట్ అదే అంటూ స్టార్ హీరోలపై కామెంట్స్

దర్శకధీరుడు రాజమౌళి రూపొందిస్తున్న భారీ మూవీ RRRపై సర్వత్రా ఆసక్తి నెలకొంది. మెగా, నందమూరి అభిమానులను టార్గెట్ చేస్తూ ఇద్దరు స్టార్ హీరోలతో మల్టీస్టారర్ సినిమా ప్లాన్ చేసిన రాజమౌళి.. అందుకు తగ్గట్టుగానే సినిమాపై హైప్ క్రియేట్ చేస్తున్నారు. పీరియాడిక్ నేపథ్యమున్న సినిమా కావడంతో కథ గురించిన అనేక అనుమానాలు జనం మెదళ్లలో మెదులుతున్నాయి. ఈ నేపథ్యంలో తాజాగా మెగా బ్రదర్ నాగబాబు RRR కథ గురించి స్పందిస్తూ ఆసక్తికర కామెంట్స్ చేశారు. తన సొంత యూట్యూబ్ ఛానల్ 'మై ఛానల్ నా ఇష్టం' ద్వారా ప్రేక్షకుల ముందుకొచ్చిన ఆయన RRR మూవీ గురించి ప్రస్తావించారు. తనను చాలామంది రామ్ చరణ్, ఎన్టీఆర్ హీరోలుగా రాబోతున్న RRR సినిమాపై మీ ఒపీనియన్ ఏంటని అడుగుతున్నారని, అందుకే ఈ వీడియోతో మీ ముందుకొచ్చానని మెగా బ్రదర్ అన్నారు. మొన్న విడుదలైన రామ్ చరణ్ ప్రోమో చూశానని, ఇక ఎన్టీఆర్ ప్రోమో చూడాలని తనకు ఆతృతగా ఉందని నాగబాబు తెలిపారు. భీమ్స్ పాయింట్ ఆఫ్ యూలో రామరాజుగా రామ్ చరణ్ ప్రోమో ఆకట్టుకుంది. ఇక రామరాజు పాయింట్ ఆఫ్ యూ భీమ్స్ ప్రోమో చూడాలని ఎంతో ఆతృతగా ఉందని నాగబాబు చెప్పారు. ''అల్లూరి సీతారామరాజు, కొమురం భీం సమకాలీనులా? కాదా? అనేసి నాకైతే తెలియదు గానీ.. ఆ ఇద్దరు చారిత్రక యోధులు కలిస్తే ఎలా ఉంటుందనే కథతో ఈ మూవీ రూపొందుతోందని టాక్ నడుస్తోంది. అది నిజమో కాదో చెప్పలేం.. బట్ ఇలాంటి ఊహాగానాలు RRRపై మరింత ఆసక్తి రేకెత్తిస్తున్నాయి'' అని నాగబాబు అన్నారు. డీవీవీ దానయ్య సమర్పణలో భారీ బడ్జెట్‌తో రూపొందుతున్న RRR మూవీలో అల్లూరి సీతారామరాజుగా రామ్ చరణ్, కొమురం భీమ్‌గా ఎన్టీఆర్ నటిస్తున్నారు. ఆలియా భట్, ఒలీవియా మోరిస్ హీరోయిన్లు. అజయ్ దేవగణ్ కీలకపాత్ర పోషిస్తున్నారు. ఇటీవలే RRR అంటే 'రౌద్రం రణం రుధిరం' అని కన్ఫర్మ్ చేసిన చిత్రయూనిట్.. 2021 జనవరి 8న ఈ మూవీని విడుదల చేయాలని డిసైడ్ అయింది.

from https://ift.tt/2wyOpSO